ពោធិ៍សាត់: ក្មេងប្រុសវ័យទំនង់ម្នាក់បានបាត់បង់ជីវិត ខណ:ឈរឱបសសរក្រោមផ្ទះហើយប៉ះតំណរខ្សែភ្លើង បណ្ដាលឲ្យឆ្លងចរន្តឆក់ស្លាប់មួយរំពេចតែម្ដង។ ករណីនេះ បានកើតឡើងកាលពីវេលាម៉ោង៦និង៤៥នាទីល្ងាចថ្ងៃទី៤ ខែមករា ឆ្នាំ២០១៧ នៅផ្ទះរបស់ខ្លួន ស្ថិតនៅភូមិផ្សា ឃុំអន្លង់ត្នោត ស្រុកក្រគរ ខេត្តពោធិ៍សាត់។
សាកសពជនរងគ្រោះឈ្មោះ អេង អ៊ីឡាង ភេទប្រុស អាយុ១៤ឆ្នាំ ជនជាតិខ្មែរ ឪពុកឈ្មោះ សុន ទី អាយុ៣៥ឆ្នាំ ជនជាតិខ្មែរ ម្តាយឈ្មោះ ចាន់ ផល្លី អាយុ៣៤ឆ្នាំ ជនជាតិខ្មែរ។
ក្រោយពេលកើតហេតុ សមត្ថកិច្ចបានចុះទៅធ្វើការត្រួតពិនិត្យ បញ្ជាក់ថា ជនរងគ្រោះពិតជាស្លាប់ដោយសារឆក់ខ្សែភ្លើងមែន។ បន្ទាប់ពីសមត្ថកិច្ចបានធ្វើកំណត់ហេតុរួម បានប្រគល់សាកសពជូនក្រុមគ្រួសារ ដើម្បីធ្វើបុណ្យតាមប្រពៃណី៕
មតិយោបល់