ពោធិ៍សាត់៖ ជនសង្ស័យចំនួន ៤នាក់បានប្រើហិង្សាចាក់សម្លាប់ទៅលើជនរងគ្រោះម្នាក់ បណ្តាលឲ្យស្លាប់កណ្តាលរោងការ តែម្តង បន្ទាប់ពីរាំធុងបាស់ជាន់ជើងគ្នា កាលពីវេលម៉ោង២ និង១៥នាទី រសៀលថ្ងៃទី៦ ខែមករា ឆ្នាំ២០១៧ ។
ហេតុការណ៍នេះដែរបានកើតឡើងក្នុងពិធីអាពាហ៍ពិពាហ៍ នៅផ្ទះឈ្មោះ នាង វុធ ភេទស្រី អាយុ ៤៥ឆ្នាំ ជាស្ត្រីមេម៉ាយ ។
ដោយឡែកជនរងគ្រោះដែលត្រូវបានសង្ស័យចាក់សម្លាប់នោះ មានឈ្មោះ ដៀប ឌឿន ភេទប្រុសអាយុ ៣៣ឆ្នាំ រស់នៅភូមិព្រះចំបក់ ឃុំត្រពាំងជង ស្រុកបាកាន ដោយត្រូវបានជនសង្ស័យចាក់មួយកាំបិត ត្រូវដើមដោះខាងឆ្វេង បណ្តាលឲ្យស្លាប់នៅកន្លែង។
សមត្ថកិច្ចបានបញ្ជាក់ថា ជនសង្ស័យមានគ្នា ៤នាក់ តែសមត្ថកិច្ចបានឃាត់ខ្លួន បានតែម្នាក់គត់ឈ្មោះ ក្រេង កុសល ភេទប្រុស អាយុ ២៥ឆ្នាំ ដោយរបួសក្តោងច្រមុះ ហើយជនសង្ស័យ ៣នាក់ទៀតមានឈ្មោះ ឡាយ នី ណេង រស្មី និងណាត់ អៀ បានរត់គេចខ្លួន ។
ករណីខាងលើនេះ សមត្ថកិច្ចកំពុងរៀបចំសំណុំឯកសារ ដើម្បីចាត់ការទៅតាមនិតិវិធី ៕
មតិយោបល់