ភ្នំពេញៈ សាកសពបុរសអនាថាម្នាក់ ត្រូវបានប្រជាពលរដ្ឋបានប្រទះកណ្ដាលវាលស្រែ បង្កការភ្ញាក់ផ្អើកាលពីវេលាម៉ោង១២និង៣០នាទីថ្ងៃទី១២ ខែមករា ឆ្នាំ២០១៧ ស្ថិតនៅចំណុចផ្លូវបេតុងភូមិ២៤ សង្កាត់ព្រៃស ខណ្ឌដង្កោ រាជធានីភ្នំពេញ។

ប្រភពព័ត៌មាននៅកន្លែងកើតហេតុបានឲ្យដឹងថា​ នៅមុនពេលកើតហេតុ ក្មេងឃ្វាលគោបានប្រទះឃើញសពបុរសម្នាក់ដេកស្លាប់កណ្ដាល​វាលស្រែនៅចំណុចខាងលើ ហើយក៏បានរាយការណ៍ដល់អាជ្ញាធរមូលដ្ឋាន។

ក្រោយទទួលព័ត៌មាន សមត្ថកិច្ចសង្កាត់ព្រៃសបានចុះដល់កន្លែងកើតហេតុ ហើយបានរាយការណ៍បន្តទៅកម្លាំងជំនាញចុះមកធ្វើកោសល្យវិច័យសពបុរសខាងលើ។

ក្រោយពិនិត្យសពរួចសមត្ថកិច្ចបានបញ្ជាក់ឲ្យ​ដឹងថា សពខាងលើ គឺស្លាប់ដោយសារជំងឺខ្យល់គរ មិនពាក់ពន្ធ័នឹងករណីឃាតកម្មឡើយ។

បច្ចុប្បន្នសពបុរសអនាថា ត្រូវបានអាជ្ញាធរមូលដ្ឋានយកទៅបូជានៅវត្តឫស្សីសាញ់៕

https://youtu.be/csPveteyBbI