ភ្នំពេញ: នៅរសៀល ថ្ងៃទី១២ ខែមករា ឆ្នាំ២០១៧ អជ្ញាធរខណ្ឌពោធិ៍សែនជ័យ ដោយមានការបញ្ជាពីលោក ឃឹម ស៊ុនសូដា អភិបាលរងខណ្ឌពោធិ៍សែនជ័យបានដឹកនាំកម្លាំងសន្តិសុខសាលាខណ្ឌ ចុះបង្រ្កាបទីតាំងលួចលាក់ជល់មាន់ និងលេងអាប៉ោងមួយកន្លែង នៅចំណុចភូមិថ្មគោល សង្កាត់ ចោមចៅ ខណ្ឌពោធិ៍សែនជ័យ។
ក្នុងនោះដែរ កម្លាំងមានសមត្ថកិច្ចធ្វើការដកហូតបាន ម៉ូតូចំនួនជាង៥០គ្រឿង មាន់ជល់ចំនួន៩ក្បាល សម្ភារ:បាញ់អាប៉ោងមួយចំនួន និងរុះរើសង្វៀនជន់មាន់ ដុតបំផ្លាញចោលខ្ទេចនៅនឹងកន្លែងតែម្តង។
លោក ឃឹម ស៊ុនសូដា អភិបាលរងបានឲ្យដឹងថា លោកនឹងចុះបង្ក្រាបល្បែងស៊ីសងគ្រប់ប្រភេទ ឲ្យទាល់តែអស់ នៅក្នុងមូលដ្ឋានរបស់លោក ក៏ដូចជាសង្វៀនជល់មាន់នេះជាដើម ដែលធ្វើឲ្យមានការវឹកវ រញ៉េរញៃយ៉ាងអណាធិបតេយ្យនៅក្នុងមូលដ្ឋាន និងបង្កឲ្យកើតមានហិង្សាវិនាសទ្រព្យសម្បត្តិក្នុងគ្រួសារ ជាពិសេសនោះគឺបង្កឲ្យកើតនៅអំពើចោរកម្ម ឆក់ ប្លន់ ផ្សេងៗទៀតផង។
បច្ចុប្បន្នវត្ថុតាងខាងលើ ត្រូវបានអាជ្ញាធរខណ្ឌពោធិ៍សែនជ័យ ដឹកយកមករក្សាទុកនៅអធិការដ្ឋាននគរបាលខណ្ឌពោធិ៍សែនជ័យ ដើម្បីរង់ចាំធ្វើការដោះស្រាយគ្នាតាមផ្លូវច្បាប់៕
//youtu.be/9d0by_veXCo
មតិយោបល់