ភ្នំពេញ: លោកស្រីរដ្ឋមន្ត្រី ជួបសំណេះសំណាល ជាមួយក្រុម កំពូលបវរកញ្ញាអន្តរជាតិ Miss Global និងសិល្បករ សិល្បការិនី នៃសមាគមសិល្បករខ្មែរ នៅថ្ងៃ៦ ឧសភា នេះ ស្តីអំពីការប្រគំតន្ត្រីសប្បុរសធម៌ ដ៏ធំមួយ នាប៉ុន្មានថ្ងៃ ខាងមុខនេះ។

ក្នុងជំនួបរវាង លោកស្រី ភឿង សក្កណា រដ្ឋមន្រ្តីក្រសួងវប្បធម៌ និង វិចិត្រសិល្បៈ បានជួបសំណេះសំណាល ជាមួយក្រុម កំពូលបវរកញ្ញាអន្តរជាតិ Miss Global និងសិល្បករ សិល្បការិនី នៃសមាគមសិល្បករ ខ្មែរ ស្តីអំពីការប្រគំតន្ត្រីសប្បុរសធម៌ ដ៏ធំមួយ នាថ្ងៃទី៨ ឧសភា ២០១៦ វេលាម៉ោង ១៨ៈ០០នាទីល្ងាច នៅសាលសន្និសីទចតុមុខ ដើម្បីស្វែងរកថវិកា ជួយដល់មន្ទីរពេទ្យគន្ធបុប្ផា និងមន្ទីរពេទ្យកុមារអង្គរ ដោយមានការចូលរួម អំពីសំណាក់តារាល្បីៗ ជាច្រើនរូប ព្រមទាំងការដើរបង្ហាញម៉ូដរបស់ក្រុម Miss Global ផងដែរ៕