ផ្ទះ ព័ត៌មានជាតិ Update៖ គ្រូប...

Update៖ គ្រូបង្រៀនសាលាអន្តរជាតិអាមេរិកាំងប្រ៊ីដ មិនដឹងស្លាប់ប៉ុន្មានថ្ងៃហើយទេ សពហើមស្អុយរលួយ

0

ភ្នំពេញ: បុរសជាគ្រូបង្រៀនម្នាក់ ដេកស្លាប់ក្នុងបន្ទប់ជួល រហូតដល់ធំភាយក្លិនស្អុយ អ្នកជិតខាងទ្រាំលែងបាន រាយការណ៍ប្រាប់ម្ចាស់ផ្ទះ មេភូមិ បង្ហើបទ្វារមើល ពុទ្ធោ លោកគ្រូដេកស្លាប់ ក្នុងសភាពហើម បង្កឲ្យភ្ញាក់ផ្អើល កាលពីរសៀលថ្ងៃទី១៩ ខែកញ្ញា ឆ្នាំ២០១៩ នៅបន្ទប់ជួលតាមផ្លូវបេតុង ក្រុមទី៣ ភូមិត្រពាំងល្វា១ សង្កាត់កាកាប១ ខណ្ឌពោធិ៍សែនជ័យ ។

ជនរងគ្រោះឈ្មោះ ច័ន្ទ សុផាត ភេទប្រុស អាយុ២៩ឆ្នាំ មុខរបរ គ្រូបង្រៀនភាសារអង់គ្លេស នៅសង្កាត់គោកឃ្លាង ខណ្ឌសែនសុខ ស្នាក់នៅបន្ទប់ជួលកន្លែងកើតហេតុ មានស្រុកកំណើតភូមិកោះថ្ម ឃុំទន្លូង ស្រុកមេមត់ ខេត្តត្បូងឃ្មុំ ។

តាមប្រជាពលរដ្ឋ ស្នាក់នៅក្បែរខាងបានឲ្យដឹងថា មុនភ្ញាក់ផ្អើល គេមិនបានឃើញជនរងគ្រោះ៥ថ្ងៃទៅហើយ បន្ទប់របស់ជនរងគ្រោះបិទទ្វារជិត គ្មានអ្នកចាប់អារម្មណ៍ រហូតមកដល់រសៀលថ្ងៃទី១៩ ខែកញ្ញា ឆ្នាំ២០១៩ ធំក្លិនស្អុយខ្លាំងពេក ទ្រាំលែងបាន រាយការណ៍ប្រាប់ទៅម្ចាស់ផ្ទះ មេភូមិ ជួយពិនិត្យ បង្ហើបទ្វារមើល ពុទ្ធោ ជនរងគ្រោះដេកស្លាប់ក្នុងសភាពហើម ស្អុយ ទើបរាយការណ៍ទៅសមត្ថកិច្ចចុះទៅពិនិត្យមើលជាក់ស្តែង ។

តាមក្រុមគ្រួសារ បានឲ្យដឹងថា ពួកគាត់ទូរស័ព្ទ មិនចូល ហើយម្យ៉ាងវិញទៀត នាយកសាលា បានទូរស័ព្ទប្រាប់អ្នកផ្ទះថា បាត់ជនរងគ្រោះ មិនឃើញទៅបង្រៀនផង ទើបនៅព្រឹកថ្ងៃទី១៩ ខែកញ្ញា នេះ នាំគ្នាធ្វើដំណើរមកតាមដល់បន្ទប់ជួល នារសៀលថ្ងៃនេះដែរ ទើបដឹងជនរងគ្រោះដេកស្លាប់ទៅវិញ ។

តាមសមត្ថកិច្ចជំនាញ ក្រោយពិនិត្យ កោសល្យវិច័យរួចឃើញថា ជនរងគ្រោះដេកស្លាប់ ដោយគាំងបេះដូង អស់រយ:ពេល៤ថ្ងៃមកហើយ ដោយក្នុងបន្ទប់ បិទជិតហប់ ទើបសាកសព ងាយហើមក្នុងសភាពបែបនេះ ។

សាកសពត្រូវបានប្រគល់ជូនក្រុមគ្រួសារ ដឹកយកទៅធ្វើបុណ្យ តាមប្រពៃណីឯស្រុកកំណើត៕

Loading...

Leave a Reply

This site uses Akismet to reduce spam. Learn how your comment data is processed.