ភ្នំពេញៈ ករណីគ្រោះថ្នាក់ចរាចរណ៍មួយ បានកើតឡើងកាលពីវេលាម៉ោង​ជាង៧ព្រឹកថ្ងៃទី១៥ ខែមករា ឆ្នាំ២០១៧ នៅលើផ្លូវហាណូយ កែងនឹងផ្លូវម៉ុងរិទ្ធី រវាងរថយន្ត​ហ៊ីយ៉ាន់ដាយបុកជាមួយម៉ូតូកំពុងឈប់ បណ្តាលឱ្យបុរសម្នាក់ស្លាប់គាបជាប់ក្រោមរថយន្ត យ៉ាងអណោយអាធ័ម និងម្នាក់ទៀតរងរបួសធ្ងន់។

បើតាមអ្នកឃើញហេតុការណ៍បានប្រាប់សមត្ថកិច្ចថា នៅមុនពេលកើតហតុគេឃើញ​ រថយន្តបង្កម៉ាក HYUNDAIដឹកទំនិញ ពាក់ស្លាកលេខ ភ្នំពេញ 3D-5797 បើកមក​បុកម៉ូតូដែលកំពុងឈប់ស្តុបពីក្រោយ ហើយអូសបុរសម្នាក់ រួមនឹងម៉ូតូគាបជាប់ក្រោមរថយន្តស្លាប់ភ្លាមតែម្ដង ចំណែកអ្នកជិះម៉ូតូម្នាក់ទៀតរងរបួសយ៉ាងដំណំផង​ដែរ។ ម៉ូតូជនរងគ្រោះ ដែលគាបជាប់នៅក្រោមរថយន្ត ម៉ាកហុងដាសេ១២៥ ពណ៌ខ្មៅ ពាក់ស្លាកលេខ ភ្នំពេញ 1FE-3803។

ភ្លាមៗនោះ តៃកុងរថយន្តបង្ក ត្រូវបានសមត្ថកិច្ច និងប្រជាពលរដ្ឋក្របួចចាប់បានតែម្ដង៕