ភ្នំពេញៈ ជនសង្ស័យជាប្រជាការពារម្នាក់ ត្រូវនគរបាលប៉ុស្តិ៍ស្ទឹងមានជយ័ឃាត់ខ្លួនកាលពីវេលាម៉ោង៨និង៣០នាទីព្រឹកថ្ងៃទី១៥ ខែករា ឆ្នាំ២០១៧ ស្ថិតនៅចំណុចផ្ទះជួលនៅភូមិទ្រា៤ សង្កាត់ស្ទឹងមានជយ័ ខណ្ឌមានជយ័ រាជនីភ្នំពេញ។

លោកអនុសេនីយ៍ឯក ម៉ៅ សាវឿន នាយប៉ុស្តិ៍នគរបាលស្ទឹងមានជយ័បានឲ្យ​ដឹងថា ជនសង្ស័យមានឈ្មោះ សែម ហុឹម ភេទប្រុសអាយុ២៦ឆ្នាំ ស្នាក់ចំណុចកើតហេតុខាងលើ មុខរបរប្រជាការពារសង្កាត់ទឹកថ្លា ខណ្ឌសែនសុខ។

លោកបានបន្តថា ជនសង្ស័យជាមុខសញ្ញាជួញដូរយ៉ាងសកម្ម ទើបលោកដាក់កម្លាំងឃ្លាំមើល និងឈានដល់ការឃាត់ខ្លួន រួមទាំងវត្ថុុតាងគ្រឿងញៀន១៥កញ្ចប់ ខណៈរូបគេកំពុងវេចខ្ចប់ដើម្បីចែកចាយបន្ត។

បច្ចុប្បន្នជនសង្ស័យ រួមទាំងវត្ថុតាង ត្រូវបានបញ្ជូនទៅកាន់អធិការដ្ឌានខណ្ឌមានជ័យ ដើម្បីកសាងសំណុំរឿងបញ្ជូនទៅតុលាការ​ចាត់ការតាមផ្លូវច្បាប់៕

https://youtu.be/Qda4s1hKEXY