ពោធិ៍សាត់ៈ បុរសម្នាក់ បានរងរបួសបាក់ឃើងម្ខាង ខណៈជិះម៉ូតូត្រូវរថយន្តកូរ៉េបុក កាលពីវេលាម៉ោង១០៖៥៨នាទី ព្រឹកថ្ងៃទី១៦ ខែមករា ឆ្នាំ២០១៧ នៅចំណុចផ្លូវបំបែកក្រុមហ៊ុន MDS(M1) ក្នុងភូមិចំការជ្រៃខាងត្បូង ឃុំអន្លងរាប ស្រុកវាលវែង ខេត្តពោធិ៍សាត់។
តាមសមត្ថកិច្ច ឲ្យដឹងថា ករណីគ្រោះថ្នាក់ចរាចរណ៍នេះ បង្កឡើងដោយរថយន្តកូរ៉េម៉ាក ហ៊ីយ៉ាន់ដាយ ចំណុះ២តោនកន្លះ ពណ៌ស ពាក់ស្លាកលេខ សៀបរាប 3A-1376 បើកបរដោយឈ្មោះ សិទ្ធ ភេទប្រុស អាយុ២២ឆ្នាំ ស្នាក់នៅភូមិប្រម៉ោយ ឃុំប្រម៉ោយ ស្រុកវាលវែង បានបុកម៉ូតូម៉ាក យាម៉ាហាសឺរីស ពណ៌ខ្មៅ គ្មានស្លាកលេខ បើកបរដោយឈ្មោះ តែម សុខឡេង ភេទប្រុស អាយុ២៤ឆ្នាំ រស់នៅភូមិដីក្រហម ឃុំអន្លង់រាប ស្រុកវាលវែង បណ្ដាលឲ្យរងរបួសបាក់ជើងខាងស្តាំ។
ក្រោយកើតហេតុ ជនរងគ្រោះត្រូវបានបញ្ជូនទៅមន្ទីរពេទ្យខត្តបាត់ដំបង។ ករណីនេះ ភាគីខាងរថយន្តបានធានាចេញថ្លៃខូចខាត់ទាំងអស់ ដោយមិនរំខានដល់សមត្ថកិច្ចច្រើននោះឡើយ៕
មតិយោបល់