ភ្នំពេញៈ ជនសង្ស័យម្នាក់ រួមនឹងថ្នាំញៀនចំនួន៥កញ្ចប់ ត្រូវកម្លាំងជំនាញអធិការដ្នាននគរបាលស្រុកសហការជាមួយកម្លាំងប៉ុស្តិ៍បែកចាន ធ្វើការឃាត់ខ្លួន កាលពីវេលាម៉ោង១០និង០៥នាទីយប់ថ្ងៃទី១៧ ខែមករា ឆ្នាំ២០១៧ ចំណុចផ្លូវលំភូមិស្វាយជ្រុំ ឃុំបែកចាន ស្រុកអង្គស្នួល ខេត្តកណ្តាល។
ជនសង្ស័យ ដែលត្រូវឃាត់ខ្លួនមានឈ្មោះ ឈន់ វណ្ណា ភេទប្រុស អាយុ៤៥ឆ្នាំ ជនជាតិខ្មែរ កម្មករសំណង់ស្នាក់នៅ ទីលំភូមិពងទឹក ឃុំបែកចាន ស្រុកអង្គស្នួល ខេត្តកណ្តាល ព្រមទាំងដកហូត -ម្សៅក្រាមថ្លា (ម៉ាទឹកកក) ៥កញ្ចប់មធ្យម -ទូរសព្ទដៃម៉ាកនូគា១គ្រឿង។
បន្ទាប់ពីទទួលព័ត៌មានថា មុខសញ្ញាកំពុងជួញដូរថ្នាំញៀននៅកន្លែងកើតហេតុ ទើបកម្លាំងជំនាញអធិការដ្នាននគរបាលស្រុកសហការជាមួយកម្លាំងប៉ុស្តិ៍បែកចាន ចុះទៅបង្រ្កាបជនសង្ស័យខាងលើតែម្ដង។
តាមចម្លើយសារភាពរបស់ជនសង្ស័យឆ្លើយថា ថ្នាំញៀនទាំអស់នេះខ្លួនទិញពីមុខសញ្ញានៅមុខពេទ្យលោកសង្ឃចំនួនម្ភៃម៉ឺនរៀលសម្រាប់យកមកលក់បន្ត។ បច្ចុប្បន្នជនសង្ស័យ កំពុងឃាត់ខ្លួននៅអធិការដ្ឋាននគរបាលស្រុកអង្គស្នួល ដើម្បីបន្តនីតិវិធី៕
មតិយោបល់