ឧត្តរមានជ័យៈ បើកម៉ូតូក្នុងលឿន ដល់ផ្លូវកោងមិនប្រយ័ត្ន ទើបកាចចង្កូតមិនទាន់ធ្លាក់ចូលប្រឡាយទឹករបួសធ្ងន់ទាំងពីរនាក់ប្ដី-ប្រពន្ធ កាលពីវេលាម៉ោង១៣និង៤០ នាទីថ្ងៃទី៧ ខែឧសភា ឆ្នាំ២០១៦ នៅលើផ្លូវជាតិលេខ៦៨ ត្រង់ចំណុចខាងត្បូង សាលាបឋមសិក្សាហ៊ុន សែនព្រៃធំ ភូមិព្រៃធំ ឃុំចុងកាល់ ស្រុកចុងកាល់ ខេត្តឧត្តរមានជ័យ។

សមត្ថកិច្ចបានឲ្យដឹងថា ជនរងគ្រោះអ្នកបើកម៉ូតូឈ្មោះ ណាត នឿត ភេទប្រុស អាយុ៤៩ឆ្នាំ មុខរបរធ្វើស្រែ រងរបួសបាក់ភ្លៅខាងស្តាំ អ្នករួមដំណើរជា ប្រពន្ធឈ្មោះ ភួន អូន ភេទស្រី អាយុ៥១ឆ្នាំ មុខរបរធ្វើស្រែរងរបួសដៃឆ្វេង នឹងជើងខាងស្តាំ។

សមត្ថកិច្ចបន្តទៀតថា ជនរងគ្រោះទាំងពីរនាក់រស់នៅភូមិតាសុខ ឃុំសែនសុខ ស្រុកក្រឡាញ់ ខេត្តសៀមរាប-ជនរងគ្រោះទាំង២នាក់ ត្រូវបានសមត្ថកិច្ចបញ្ជូនទៅមណ្ឌលសុខភាពចុងកាល់។

មូលហេតុជិះម៉ូតូលឿនដល់ផ្លូវកោងមិនប្រយ័ត្ន ទើបកាចចង្កូតមិនទាន់ធ្លាក់ចូលប្រឡាយទឹកតែម្តងទៅ៕