ភ្នំពេញៈ គ្រោះថ្នាក់ចរាចរណ៍មួយ បង្កឡើងដោយ រថយន្តម៉ាកហាយឡែនឌ័រ ពណ៌ស្លែ ពាក់ស្លាកលេខ ភ្នំពេញ 2AD-3578 មួយគ្រឿង បើកបត់មិនប្រយត្ន័ ត្រូវបានរថយន្តកូរ៉េ ចំណុះ១តោនកន្លះ ពណ៌ស ចាប់ហ្វ្រាំងមិនទាន់ជ្រុលទៅបុក ធ្វើឲ្យរថយន្ត កាមរីហាយប្រីជ ពណ៌ស្ករ ពាក់ស្លាកលេខ ភ្នំពេញ 2AC-6524 បើកមកពីក្រោយចាប់ហ្វ្រាំងមិនជាប់ បុកពីក្រោយរថយន្តកូរ៉េ១តោនកន្លះយ៉ាងពេញទំហឹង បណ្តាលឲ្យរងការខូចខាត។

ហេតុការណ៍នេះបានកើតឡើងកាលពីវេលាម៉ោង ១២និង៣០នាទី រសៀលថ្ងៃទី៣០ ខែមករា ឆ្នាំ២០១៧ ស្ថិតនៅចំណុចមុខព្រលានយន្តហោះអន្តរជាតិភ្នំពេញ តាមបណ្តោយផ្លូវសហពន្ធ័រុស្ស៊ី ក្នុងសង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។

ខណៈនេះ កម្លាំងសមត្ថកិច្ចជំនាញកំពុងចុះធ្វើការវាស់វែង ដល់កន្លែងកើតហេតុផងដែរ៕

https://youtu.be/MuskkCMWa7c