Post News Media ព័ត៌មានជាតិ ម៉ាទឹកកក ២១កញ...

ម៉ាទឹកកក ២១កញ្ចប់ ដែលជនសង្ស័យកំពុងជួញដូរ ត្រូវសមត្ថកិច្ចចាប់បាននៅនិងកន្លែង

កណ្តាល: ជនសង្ស័យម្នាក់ កំពុងធ្វើសកម្មភាពជួញដូរថ្នាំញៀន ត្រូវបានកម្លាំងជំនាញដែលចេញល្បាត សហការជាមួយកម្លាំងជំនាញយុត្តិធម៌បានធ្វើការឃាត់ខ្លួន និងឆែកឆេរ ខ្លួនជនសង្ស័យ រកឃើញថ្នាំញៀនជាច្រើនកញ្ចប់​ កាលពីវេលាម៉ោង៧និង៣០នាទី រសៀលថ្ងៃទី០២ ខែកុម្ភ: ឆ្នាំ២០១៧នេះ នៅចំនុចផ្លូវលំភូមិព្រែកក្តាម២ ឃុំកោះចិន ស្រុកពញឮ ខេត្តកណ្តាល។

ករណីបង្រ្កាបការជួញដូរនូវសារធាតុញៀនខុសច្បាប់នេះ ត្រូវបានសមត្ថកិច្ចឲ្យដឹងថា ជនសង្ស័យចំនួនម្នាក់
ឈ្មោះ មឿន សុខធី ភេទប្រុស អាយុ៣៨ឆ្នាំ ជនជាតិខ្មែរមុខរបរមិនពិតប្រាកដ មានទីលំនៅភូមិព្រែកក្តា២ ឃុំកោះចិន ស្រុកពញាឮ ខេត្កណ្តាល។ វត្ថុតាងចាប់យករួមមាន ម្សៅក្រាមពណ៌សថ្លា សង្ស័យជាសារធាតុញៀន (ម៉ាទឹកកកIce) ចំនួន២១កញ្ចប់តូច ទូរសព្ទ័ដៃ២គ្រឿង ម៉ាកអិនចុចពឹល។

សមត្ថកិច្ចបន្តឲ្យដឹងថា នៅថ្ងៃខែឆ្នាំកើតហេតុខាងលើ កម្លាំងជំនាញបានចេញល្បាតនៅចំនុចខាងលើ ពេលនោះក៏បានជួបជនសង្ស័យកំពុងធ្វើសកម្មភាពជួញដូរថ្នាំញៀន នៅចំណុចខាងលើ
បន្ទាប់មកកម្លាំងជំនាញយុត្តិធម៌ បានសហការជាមួយកម្លាំងប៉ុស្តិ៍ ធ្វើការឃាត់ខ្លួន និងឆែកឆេរ ខ្លួនជនសង្ស័យ និងវត្ថុតាងដូចខាងលើ បញ្ជូនមកអធិការរដ្ឋាននគរបាលស្រុកពញាឮ ដើម្បីសួរនាំ និងចាត់ការតាមនិតិវិធីច្បាប់៕