Post News Media ព័ត៌មានជាតិ នគរបាលស្រុកអង...

នគរបាលស្រុកអង្គស្នួល ឃាត់ខ្លួនមុខសញ្ញាជួញដូរគ្រឿងញៀនម្នាក់ និងថ្នាំញៀនចំនួន០៩កញ្ចប់

កណ្តាល: នគរបាលស្រុកអង្គស្នួល ដឹកនាំដោយលោកវរសេនីយ៍ មាន សំណាង អធិការស្រុកអង្គស្នួល បានឲ្យកម្លាំងជំនាញប្រឆាំងគ្រឿងញៀន នៃអធិការស្រុកអង្គស្នួល បានចុះឃាត់ខ្លួនមុខសញ្ញាជួញដូរគ្រឿងញៀនម្នាក់ និងថ្នាំញៀនចំនួន០៩កញ្ចប់។

ការចុះឃាត់ខ្លួននេះ ធ្វើទ្បើងកាលពីវេលាម៉ោង ៦ ល្ងាច ថ្ងៃទី០៤ ខែកុម្ភ: ឆ្នាំ២០១៧ នៅចំណុច បន្ទប់ជួលភូមិត្រពាំងក្រសាំង ឃំុបែកចាន ស្រុកអង្គស្នួល ខេត្តកណ្តាល។

លោកអធិការបានប្រាប់ឲ្យដឹងថា ជនល្មើសឃាត់ខ្លួនបានម្នាក់ មានឈ្មោះ ឈិត​ ណាង ប្រុស អាយុ៣១ឆ្នាំ ជនជាតិខ្មែរ មុខរបរកម្មករសំណង់ ស្នាក់នៅភូមិត្រពាំងក្រសាំង ឃំុបែកចាន ស្រុកអង្គស្នួល ខេត្តកណ្តាល។

វត្ថុតាងដកហូតបាន រួមមានម្សៅក្រាមសថ្លា សង្ស័យសារធាតុញៀន(ម៉ាទឹកកក) ០៩កញ្ចប់តូច ទូរសព្ទដៃ១គ្រឿងម៉ាកនូគារចុចពិល និងឧបករណ៏ប្រើប្រាស់មួយចំនួន។

លោកអធិការបញ្ជាក់ថា តាមចម្លើយសារភាពរបសជនល្មើសខាងលើ បានឆ្លើយថា ចំពោះថ្នាំញៀននេះ ខ្លួនបានទិញពីម្តុំពេទ្យលោកសង្ឃ ដើម្បីយកមកលក់បន្ត។ បច្ចុប្បន្នជនល្មើស ត្រូវបានឃាត់ខ្លួន នៅអធិការដ្ឋាននគរបាលស្រុកអង្ដស្នួល ដើម្បីបន្តចាត់ការទៅតាមនីតិវិធីច្បាប់៕