ភ្នំពេញ: បុរសម្នាក់សតិមិនគ្រប់ ដើរហិតកាវ តាមបណ្ដោយផ្លូវ៦០ម៉ែត្រ រាល់ថ្ងៃរាល់យប់ តែថ្ងៃនេះអកុសលត្រូវរថយន្តមួយគ្រឿងមិនស្គាល់ម៉ាកបើកបុកពេញទំហឹង បណ្ដាលអោយស្លាប់ភ្លាមៗនៅនឹងកន្លែង បង្កការភ្ញាក់ផ្អើលដល់ពេញផ្លូវ។ ហេតុការណ៍នេះបានកើតឡើងនៅវេលាម៉ោង៧និង២០នាទី យប់ថ្ងៃ០៣ ខែមិនា ឆ្នាំ២០១៧នេះ តាមណ្ដោយផ្លូវ៦០ម៉ែត្រ ស្ថិតក្នុងសង្កាត់ចាក់អង្រែលើ ខណ្ឌមានជ័យ។

ប្រភពព័ត៍មានពីកន្លែងកើតហេតុបានអោយដឹងថានៅមុនពេលកើតហេតុគេឃើញបុរសម្នាក់សតិមិនគ្រប់ម្នាក់ឈ្មោះ ទិត ង៉ែត អាយុ៣៦ ឆ្នាំស្រុកកំណើត នៅក្រុងតាខ្មៅ ដើរហិតកាវនៅលើជញ្ចើមផ្លូវ តាមបណ្ដោយផ្លូវ៦០ម៉ែត្រនោះ រាល់យប់ តែយប់នេះអកុសល ត្រូវរថយន្តមួយគ្រឿងមិនស្គាល់ម៉ាកបើក ដោយបុរសម្នាក់ក្នុងល្បឿនលឿន មកបុកពេញទំហឹងបណ្ដាលអោយបុរសសតិមិនគ្រប់នោះ ស្លាប់បាត់បង់ជិវិត នៅនិងកន្លែងកើតហេតុភ្លាមៗ តែម្តងបន្ទាប់មករថយន្តបង្កហេតុនោះ បានបើករត់ទៅមុខ បានប្រមាណប្រហែល២០០ម៉ែត្រ ក៏ត្រូវសម្ថតិកិច្ចឃាត់ទាន់ពេលវេលាផងដែរ។

ក្រោយពេលកើតហេតុម្ចាស់រថយន្តបង្កនោះ ត្រូវបានសម្ថតិកិច្ចធ្វើការឃាត់ខ្លួន យកទៅអធិការខណ្ឌមានជ័យ ដើម្បីធ្វើការសាកសួរ និងដោះស្រាយទៅតាមនិតីវិធីច្បាប់ ចំនែកជនរងគ្រោះដែលស្លាប់ត្រូវបានក្រុមគ្រួសារសពមកទទួលយកទៅធ្វើបុណ្យទៅតាមប្រពៃណី៕