ប៉ៃលិន: គ្រោះថ្នាក់ចរាចរណ៍ភ្ញាក់ផ្អើលមួយ រវាងម៉ូតូនិងម៉ូតូ ដែលបណ្តាលឲ្យមនុស្ស៤នាក់រងរបួសស្រាល ហេតុការណ៍នេះបានកើតឡើងកាលពីវេលាម៉ោង៨នាទីព្រឹក ថ្ងៃទី៧ ខែមីនា ឆ្នាំ២០១៧ ស្ថិតនៅលើផ្លូវជាតិ៥៧ ត្រង់ចំណុចមុខវត្តកោងកាង ក្នុងភូមិវត្ត សង្កាត់ប៉ៃលិន ក្រុងប៉ៃលិន ខេត្តប៉ៃលិន។

លោកអនុសេនីយ៍ទោ ហែន ពុច នាយរងផ្នែកដំណោះស្រាយគ្រោះថ្នាក់ចរាចរណ៍បានឲ្យដឹងថា ជនរងគ្រោះទាំង៤នាក់ ទី១មានឈ្មោះ មាស់ វុធលីហេង ភេទប្រុស អាយុ១៨ឆ្នាំ មុខរបរសិស្ស រងរបួសស្រាល បើកបរម៉ូតូម៉ាក ហុងដាឌ្រីម ពណ៍ខ្មៅ ពាក់ស្លាកលេខ ប៉ៃលិន1B-2966 ខូចខាតធ្ងន់។ ទី២ឈ្មោះ ពៅ អ៊ីឆាយ ភេទប្រុស អាយុ១៧ឆ្នាំ មុខរបរសិស្ស របួសស្រាល ,ទី៣ឈ្មោះ ពៅ ភូយូ ភេទប្រុស អាយុ១ឆ្នាំ របួសស្រាល ,ទី៤ ឈ្មោះ ឈិត បូរ៉ា ភេទប្រុស អាយុ១៧ឆ្នាំ មុខរបរជាងជួសជុលម៉ូតូ របួសធ្ងន់ បើកបរម៉ូតូម៉ាកហុងដាឌ្រីម ពណ៍ខ្មៅ ពាក់ស្លាកលេខ បាត់ដំបង 1D-6209 និងជនរងគ្រោះទី៥ឈ្មោះ លាម ភេទប្រុស អាយុ១៨ឆ្នាំ មុខរបរជាងជួសជុលម៉ូតូ របួសធ្ងន់ អ្នកទាំង៥នាក់ ស្នាក់នៅក្នុងភូមិកើតហេតុខាងលើ។

ប្រពភដដែលបានបន្តថា មុនពេលកើតហេតុ គឺបណ្តាលមកពីការបើកបរមិនគោរពសិទ្ធិអាទិភាព ក្រោយពេលកើតហេតុ សមត្ថកិច្ចបានហៅរថយន្តសង្គ្រោះ ដឹកជនរងគ្រោះទៅព្យាបាលនៅមន្ទីរពេទ្យបង្អែកខេត្ត។ ចំណែកម៉ូតូទាំង២គ្រឿង សមត្ថកិច្ចបាននាំយកទៅរក្សាទុកនៅស្នងការនគរបាលខេត្តប៉ៃលិន ដើម្បីដោះស្រាយនាពេលក្រោយទៅតាមផ្លូវច្បាប់៕