ព័ត៌មានជាតិ

ក្រសួងបរិស្ថាន៖ បញ្ហាទឹកសមុទ្រប្រែពណ៌ នៅតំបន់ឆ្នេរសមុទ្រកែប បានបាត់ទៅវិញស្ទើរតែទាំងស្រុងហើយ 

​ភ្នំពេញ ៖ ​ក្រសួង​បរិស្ថាន​ បាន​បញ្ជាក់នៅថ្ងៃទី​០៤ខែមេសា​ ឆ្នាំ ​២០១៦នេះ ថា ​​​តាម​ការ​​តាម​ និង​ពិនិត្យ​​ នៃ​ការ​កើន​ឡើង​នូវ​កម្រិត​ស្លែ​ នៅក្នុង​ទឹក​សមុទ្រ​ គឺ​បណ្ដាល​មក​ពីការ​កើន​ឡើង​នូវ​សីតុណ្ហភាព​ ពន្លឺ​ និង​ការប្រែប្រួល​នូវ​ជីវជាតិ​ចិញ្ចឹម​នៅ​ក្នុងទឹកសមុទ្រ ។
ក្រសួងបរិស្ថាន​ បញ្ជាក់​ទៀត​ថា ​បច្ចុប្បន្ននេះ​ ​កម្រិត​ស្លែ​ដែល​កើត​​មាន​នៅ​តំបន់​ឆ្នេរ​សមុទ្រ​កែប​ បាន​បាត់​ទៅវិញ​ ស្ទើរ​តែ​ទាំងស្រុង​ហើយ ​​ស្ថានភាព​ទឹកសមុទ្រ​មាន​ភាព​រងថ្លា​ និង​ឈាន​ទៅ​រកភាព​ប្រក្រតី​ឡើងវិញ ។ 
ទោះជា​យ៉ាង​នេះ​ក្ដី​ ក្រសួង​បរិស្ថាន​ បាន​ប្រកាស​ឲ្យ​ប្រ​ជា​ពល​រដ្ឋ​ជា​ពិសេស​ភ្ញៀវ​ទេសចរ​ដែល​ទៅ​ ទស្សនា​កម្សាន្ត​លេង​ទឹក​សមុទ្រ​និង​បរិភោគ​អាហារ​សមុទ្រ​នៅ​ខេត្ត​កែប​​ឲ្យ ​មាន​ការ​ប្រុង​ប្រយ័ត្ន​ចំពោះ​ការ​កើន​នូវ​កម្រិត​ជាតិ​ស្លែ​ខុស​ប្រក្រតី ដែល​បណ្ដាល​ឲ្យ​ទឹក​សមុទ្រ​ប្រែ​ពណ៌​ទៅ​ជា​បៃតង។

  

មតិយោបល់