បាត់ដំបង: ភ្នាក់ងារ Post News ប្រចាំខេត្តបាត់ដំបងបានរាយការណ៍មកថា មានករណីក្រឡាប់ត្រាក់ទ័រកិនអ្នកបើកម្នាក់ស្លាប់ នៅចំណុចអូរក្រូច ស្ថិតក្នុងភូមិបេងស្អាត ឃុំភ្នំព្រឹក ស្រុកភ្នំព្រឹក ខេត្តបាត់ដំបង ដែលហេតុការណ៍នេះបានកើតឡើងកាលពីវេលាម៉ោង៦និង៣០នាទី ថ្ងៃតី២០ ខែមីនា ឆ្នាំ២០១៧ បណ្តាលអោយអ្នកបើកបរត្រាក់ទ័រម្នាក់បើកបរទាំងស្ថានភាពស្រវឹងស្លាប់ភ្លាមៗនៅនឹងកន្លែងកើតហេតុ ដែលជនរងគ្រោះមានឈ្មោះ អៀ ម៉ៅ ភេទប្រុស អាយុ32ឆ្នាំ រស់នៅភូមិឃុំកើតហេតុខាងលើ ។
ប្រភពដដែលបានបន្តទៀថា ជនរងគ្រោះមានភាពស្រវឹងស្រាខ្លាំង រួចបើកត្រាក់ទ័រទៅចំការ ឆ្លងកាត់អូរបណ្តាលឲ្យរអិលក្រឡាប់កិនខ្លួនឯងស្លាប់តែម្តង
ក្រោយពីសមត្ថកិច្ច ពិនិត្យសាកសពជនរងគ្រោះរួច បានឲ្យសាច់ញ្ញាតិយកទៅធ្វើបុណ្យតាមប្រពៃណី ៕
មតិយោបល់