តម្រង់នោម ជាសរីរាង្គមួយដ៏សំខាន់សម្រាប់មនុស្សគ្រប់គ្នា ព្រោះវាមានតួនាទីចម្រោះជាតិពុល និងបាក់តេរីក្នុងឈាម ដែលមិនល្អចំពោះសុខភាព ហើយបញ្ចេញចោលតាមរយ:ទឹកនោម។ ប៉ុន្តែអ្វីដែលគួរឲ្យបារម្ភនោះគឺ សរីរាង្គមួយនេះ ក៏ចេះចុះខ្សោយទៅតាមអាយុកាលរបស់មនុស្សម្នាក់ៗដែរ នេះហើយជាមូលហេតុធ្វើឲ្យជាតិពុល និងបាក់តេរីមានឱកាសបំផ្លាញសុខភាពរបស់យើង។ ដូច្នេះដើម្បីការពារ និងបង្កើនសមត្ថភាពរបស់តម្រងនោម លោកគួរតែប្រើឱសថធម្មជាតិដូចខាងក្រោម៖

ធាតុផ្សំ៖

• ស្លឹកបឺរ ស្រស់៧សន្លឹក (ធំៗល្មម)

• ទឹកចម្រោះ ២លីត្រ

របៀបធ្វើ៖

• ដាក់ស្លឹកបឺរ និងទឹកទាំងអស់ចូលក្នុងឆ្នាំង ហើយដាំឲ្យពុះ
• បន្ទាប់ពីរម្ងាស់ឲ្យបាន១៥នាទី រួចលើកល្បាយនេះចុះពីលើភ្លើងទុកឲ្យត្រជាក់
• ទទួលទានល្បាយនេះឲ្យបាន២ដង ក្នុងមួយថ្ងៃ គឺពេលព្រឹក និងពេលល្ងាច

ក្នុងរយ:ពេលមួយដ៏ខ្លី អ្នកនឹងមានអារម្មណ៍ថាស្រួលខ្លួនជាងមុន ព្រោះតម្រងនោមរបស់អ្នក មានសមត្ថភាពកាន់តែខ្លាំងក្នុងការកម្ចាត់ជាតិពុល និងបាក់តេរី បានកាន់តែច្រើនពីក្នុងឈាម។ ប៉ុន្តែមនុស្សមួយចំនួន អាចនឹងត្រូវការពេលវេលាយូរបន្តិច ដើម្បីទទួលបានប្រសិទ្ធភាពពីឱសថមួយនេះ ព្រោះវាអាស្រ័យទៅលើស្ថានភាពនៃតម្រងនោម របស់មនុស្សម្នាក់ៗ។

ទោះបីជា ឱសថធម្មជាតិមួយនេះមិនមានផលប៉ះពាល់អ្វីដល់សុខភាពក៏ដោយ លោកអ្នកគួរពិគ្រោះជាមួយគ្រូពេទ្យជំនាញជាមុនសិន មុននឹងទទួលទាន៕