ភ្នំពេញ: កម្លាំងសមត្ថកិច្ចនការិយាល័យប្រឆាំងការជួញដូរផ្លូវភេទ និងការពារអនីតិជន នៃស្នងការនគរបាលរាជធានីភ្នំពេញ បានបញ្ជូនខ្លួនជនសង្ស័យ ប្រុសស្រី ចំនួន ៣នាក់ទៅកាន់សាលាដំបូងរាជធានីភ្នំពេញ ពាក់ព័ន្ធករណី បើកហាងកោសជប់ និងម៉ាស្សា បង្កប់សេវាកម្មបម្រើផ្លូវភេទដោយខុសច្បាប់ ។

ប្រតិបត្តិការនេះបានធ្វើឡើងនៅថ្ងៃទី២១ ខែមីនា ឆ្នាំ២០១៧ នេះ ម្តុំផ្លូវមាត់ទន្លេ ក្បែរផែថ្ម សង្កាត់ស្រះចក ខណ្ឌដូនពេញ រាជធានីភ្នំពេញ ។

គួររំលឹកថា ជនសង្ស័យទាំង៣នាក់ និងស្ត្រីរងគ្រោះចំនួន ១០នាក់ផ្សេងទៀត ត្រូវបានសមត្ថកិច្ចនគរបាលការិយាល័យប្រឆាំងការជួញដូរមនុស្ស និងការពារអនីតិជន រាជធានីភ្នំពេញ បានធ្វើការឃាត់ខ្លួន កាលពីយប់ថ្ងៃទី១៨ ខែមីនា ឆ្នាំ២០១៧ នៅចំណុចផ្លូវមាត់ទន្លេក្បែរផែថ្ម សង្កាត់ស្រះចក ខណ្ឌដូនពេញ រាជធានីភ្នំពេញ ។

បច្ចុប្បន្នកម្លាំងសមត្ថកិច្ចបាននឹងកំពុងសាកសួរ និងកសាងសំណុំរឿងបញ្ជូនទៅតុលាការ ដើម្បីចាត់ការតាមនីតិវិធីនៃច្បាប់ ៕

https://youtu.be/YWBSd4LgSoo