ព័ត៌មានជាតិ

Update៖ ភ្លើងឆេះគំនរសម្រាមនៅខណ្ឌពោធិ៍សែនជ័យ ខណៈនេះពន្លត់បានទាំងស្រុង

ភ្នំពេញ: គំនរសម្រាមស្ថិតនៅតាមដងផ្លូវបេតុងមួយកន្លែង ត្រូវបានអគ្គិភ័យឆាបឆេះយ៉ាងសន្ធោរសន្ធៅ ហើយក៏មានការព្រួយបារម្ភខ្លាចឆេះដល់ខ្សែភ្លើងធ្លាក់មកទាបនៅពីលើគំនរសម្រាមនេះទៀតផង តែសំណាងល្អដែលទីតាំងឆេះ មួយនេះស្ថិតនៅដាច់ឆ្ងាយពីផ្ទះសម្បែងប្រជាពលរដ្ឋ។

ប៉ុន្តែនៅជិតបឹងដែលមានស្មៅកក់ច្រើន ទើបមានការព្រួយបារម្ភខ្លាចឆេះរាលដល់ស្មៅកក់ទាំងនោះ ហើយអាជ្ញាធរនិងនគរបាលមូលដ្ឋាន បាននាំគ្នាចុះទៅអន្តរាគមន៏នាំយករថយន្តពន្លត់អគ្គិភ័យទៅបាញ់ទឹកពន្ល់ភ្លាមៗផងដែរ។

ហេតុការណ៏នោះបានបង្កឲ្យមានការភ្ញាក់ផ្អើល កាលពីវេលាម៉ោង៨និង៤៤នាទីព្រឹក ថ្ងៃទី២៣ ខែមីនា ឆ្នាំ២០១៧ នៅតាមបណ្ដោយផ្លូវបេតុង ស្ថិតក្នុងភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។

តាមប្រភពព័ត៌មានបានឲ្យដឹងថា នៅមុនពេលកើតហេតុ គេបានឃើញមានផ្សេងហុយចេញពីគំនរសម្រាមនោះ ហើយមិនយូរប៉ុន្មានក៏ស្រាប់តែមានអណ្ដាតភ្លើង ឆាបឆេះឡើងយ៉ាងសន្ធសន្ធៅរតែម្ដង ហើយនិងឆេះលឿនថែមទៀតផង ព្រោះសម្រាមខាងលើមានចម្រុះគ្នា និងស្ងួតទៀតទើបឆេះលឿនបែបនេះ ហើយនៅពីលើគំនរសម្រាមនោះក៏មានខ្សែភ្លើងធ្លាក់មកទាបៗផងដែរ។ថ្វីដ្បិតតែនៅទីនោះស្ថិតនៅឆ្ងាយពីផ្ទះប្រជាពលរដ្ឋ។

ប៉ុន្តែមានស្មៅកក់នៅជិតនោះច្រើន ទើបធ្វើឲ្យមានការព្រួយបារម្ភខ្លាចឆេះរាលដល់មានបញ្ហាកាន់តែស្មុគស្មាញថែមទៀត ខណ:នោះកម្លាំងអាជ្ញាធរនិងនគរបាលប៉ុស្ដិ៍ចោមចៅ បានចេញអន្តរាគមន៏ហៅរថយន្ត ពន្លត់អគ្គីភ័យចំនួន២គ្រឿងទៅបាញ់ពន្លត់ រហូតរលត់ទៅវិញទាំងស្រុង៕

មតិយោបល់