ព័ត៌មានជាតិ

បុរស​ជនជាតិ​ខ្មែរឥស្លាម​ម្នាក់​ ល្បួង​ក្មេងអាយុ​៩​ឆ្នាំ​លេង​ប្រដាប់ភេទ​និង​រំលោភ​បាន​សម្រេច​ជា​ច្រើន​ដង​ ចុងក្រោយជាប់ខ្នោះបានសម្រេច!

ក្រចេះ​: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា​ បុរស​ជនជាតិ​ខ្មែរឥស្លាម​ម្នាក់​ ត្រូវ​បាន​នគរបាល​ស្រុក​ឆ្លូង​ ចាប់​ឃាត់ខ្លួន​ទៅ​តាម​ពាក្យបណ្តឹង​របស់​ស្ត្រី​ជា​ ជីដូន​របស់​ក្មេង​ស្រី​រង​គ្រោះ​ បន្ទាប់​ពី​ជនសង្ស័យ​ម្នាក់​នេះ​ បាន​ល្បួង​ក្មេង​ស្រី​ អាយុ​៩​ឆ្នាំ​ រស់នៅ​ក្នុងភូមិ​ជាមួយ​គ្នា​ លេង​ប្រដាប់​ភេទ​ និង​រំលោភ​បាន​សម្រេច​ជា​ច្រើន​ដង​។​

​ក្រោយ​ការ​ឃាត់ខ្លួន​ និង​សាកសួរ​ពី​សំណាក់​មន្ត្រី​នគរបាល​ជំនាញ​ ជនសង្ស័យ​ឈ្មោះ​ ចិន​ គ្រី​ ហៅ​គី​នី​ន​ អាយុ​៥៣​ឆ្នាំ​ ត្រូវ​បាន​កម្លាំង​នគរបាល​ព្រហ្មទណ្ឌ​ ស្រុក​ឆ្លូង​ បញ្ជូន​មក​ស្នងការ​នគរបាល​ខេត្តក្រចេះ​ នា​រសៀល​ថ្ងៃ​ទី​៣ ខែ​មក​រា​នេះ​។​

​អធិការ​នគរបាល​ស្រុក​ឆ្លូង​លោក​វរសេនីយ៍ឯក​ ឆុង​ តូ​រ៉ា​ន់​ បានឲ្យដឹង​ថា​ ជនសង្ស័យ​ត្រូវ​បាន​នគរបាល​ស្រុក​ចាប់​ឃាត់ខ្លួន​ នៅ​ថ្ងៃ​ទី​២​ ខែមករា​ ទៅ​តាម​ពាក្យបណ្តឹង​របស់​ស្ត្រី​វ័យ​ចំណាស់​ ជនជាតិ​ខ្មែរឥស្លាម​ ត្រូវជា​ជីដូន​របស់​ក្មេង​ស្រី​រង​គ្រោះ​អាយុ​៩​ឆ្នាំ​ ​រស់នៅ​ជាមួយ​និង​ជីដូន​ ខណ:​ឪពុក​ម្តាយ​ ទៅ​ធ្វើ​កម្មករ​នៅ​ក្រៅប្រទេស​។​

​លោក​ថា​ បើ​តាម​ចម្លើយ​របស់​ក្មេង​ស្រី​រង​គ្រោះ​ បាន​ប្រាប់​មក​នគរបាល​ថា​ កាលពី​អំឡុង​រយ:​ ពេល​មួយ​ខែ​មុន​ ជនសង្ស័យ​ បាន​ល្បួង​នាង​ យក​ទៅ​លេង​ប្រដាប់​ភេទ​ នៅ​ក្នុង​ព្រៃ​ក្បែរ​ផ្ទះ​ នៅ​ពេល​ ជីដូន​នាង​មិន​នៅ​។​ ក្រោយមក​ទៀត​ ជន​នេះ​បាន​ល្បួង​នាង​ឲ្យ ទៅ​បេះ​ផ្លែ​ពុទ្ទ្រា​ នៅ​ខាងក្រោយ​ភូមិ​ ហើយ​ក៏​បាន​ ចាប់រំលោភ​ នាង​រហូត​បាន​សម្រេច​​ និង​រំលោភ​ជា​លើក​ចុង​ក្រោយ​ នៅ​វាលស្រែ​ខាងក្រោយ​ភូមិ​ រហូត​បាន​សម្រេច​។​ ក្មេង​ស្រី​រូប​នេះ​ថា​ ជនសង្ស័យ​ បាន​ច្របាច់​.​ក​នាង​ មិន​ឲ្យស្រែក​នៅ​ពេល​គេ​ធ្វើ​សកម្មភាព​ចាប់រំលោភ​មក​លើ​រូប​នាង​ និង​បាន​គំរាម​ថា​ បើ​ហ៊ាន​យក​រឿង​នេះ​ ប្រាប់​គេឯង​គេ​និង​ច្របាច់ក​ រហូត​ដល់​ស្លាប់​។​

​បើ​តាម​សម្តី​របស់​ស្ត្រី​វ័យ​ចំណាស់​ម្នាក់​ជា​ជនជាតិ​ខ្មែរឥស្លាម​ និង​ត្រូវជា​ជីដូន​ក្មេង​ស្រី​រង​គ្រោះ​ បាន​និយាយ​ថា​ នៅ​ថ្ងៃមួយ​ ចៅស្រី​របស់​គាត់​ បានឲ្យ​រូប​គាត់​ជូន​នាង​ទៅ​ពេទ្យ​ ដោយ​មានការ​សង្ស័យ​ ទើប​គាត់​សួរនាំ​ ទើប​ ក្មេង​ស្រី​រង​គ្រោះ​ បាន​ប្រាប់​ពី​ដំណើររឿង​។​ ស្ត្រី​រូប​នេះ​បញ្ជាក់​ថា​ ពី​មុន​ចៅស្រី​របស់​គាត់​មាន​សតិ​ធម្មតា​ ចេះ​ដឹង​ខុស​ត្រូវ​ តែ​ចាប់តាំងពី​ចៅ​របស់​គាត់​ ត្រូវ​បាន​គេ​ចាប់រំលោភ​ និង​រង​ការ​គំរាមកំហែង​ ពេល​នេះ​ចៅ​ស្ត្រី​របស់​គាត់​ បែរជា​មាន​សតិ​មិន​គ្រប់​ដូច​គេឯង​ មិនដឹង​អី​ទាំងអស់​។​

​ជនសង្ស័យ​បាន​ឆ្លើយ​សារភាព​ថា​ ខ្លួន​ពិតជា​បាន​ធ្វើ​សកម្មភាព​ចាប់រំលោភ​ក្មេង​ស្រី​រង​គ្រោះ​ តែ​មិន​ស៊ីជម្រៅ​ ដោយ​គ្រាន់តែ​ប្រើ​ដៃ​ស្ទាប​តែ​ប៉ុណ្ណោះ​៕​

មតិយោបល់