ភ្នំពេញ: កម្លាំងនគរបាលប៉ុស្តិ៍ស្ទឹងមានជ័យ ចុះធ្វើរដ្ឋបាលក្នុងមូលដ្ឋានឃាត់ខ្លួនបានជនសង្ស័យចំនួន៣នាក់ ដែលជាមុខសញ្ញាជួញដូរ និងប្រើប្រាស់គ្រឿងញៀនដកហូតបានថ្នាំញៀន១កញ្ចប់។

ការចាប់ខ្លួននេះបានធ្វើឡើងកាលពីវេលាម៉ោង១១ និង៥០នាទី ថ្ងៃទី២៣ ខែមីនា ឆ្នាំ២០១៧ ស្ថិតនៅក្រុម៤ ភូមិឬស្សី១ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។

ជនសង្ស័យទាំង៣នាក់ ទី១មានឈ្មោះ សេង សម្បត្តិ ភេទប្រុស អាយុ៣១ឆ្នាំ មុខរបរមិនពិតប្រាកដ មានស្រុកកំណើតនៅភូមិស្នោរ សង្កាត់ស្នោរ ខណ្ខពោធិ៍សែនជ័យ ជាអ្នកជួញដូរនិងប្រើប្រាស់ ,ជនសង្ស័យទី២ ឈ្មោះ ឈុន វណ្ណា ភេទប្រុសអាយុ២៧ឆ្នាំ មុខរបរមិនពិតប្រាកដ ស្នាក់នៅកន្លែងកើតហេតុខាងលើ ជាអ្នកប្រើប្រាស់ និងជនសង្ស័យទី៣ឈ្មោះ ហៀង តុលា ភេទប្រុស អាយុ៣០ឆ្នាំ មុខរបរវិស្វករខាងអគ្គិសនី ជាអ្នកប្រើប្រាស់។ ទាំង៣នាក់នេះ ស្នាក់នៅកន្លែងកើតហេតុខាងលើ។

ក្នុងប្រតិបត្តិការនេះដែរ មានការដឹកនាំកម្លាំងដោយលោក ឯម ភារី នាយរងប៉ុស្តិ៍ស្តីទី និងលោកប្រធានភូមិ ក៏បានឃាត់ខ្លួនបានមុខសញ្ញាជួញដូរ និងប្រាស់នៅក្នុងមូដ្ឋានយ៉ាងសកម្មផងដែរ ដកហូតបាន ថ្នាំញៀន ប្រភេទសថ្លាចំនួន១ញ្ចប់ ដាវ១ដើមសម្ភារ:សម្រាប់ជក់មួយចំនួន។

បច្ចុប្បន្នជនសង្ស័យទាំង៣ឃាត់ ត្រូវបានសមត្ថកិច្ចឃាត់ខ្លួនយកមកកាន់ប៉ុស្តិ៍ស្ទឹងមានជ័យ ដើម្បីធ្វើការសាកសួរ និងកសាងសុំណុំរឿងបញ្ជូនខ្លួនទៅកាន់ អធិកាដ្ឋាននគរបាលខណ្ឌមានជ័យ កសាងសំណុំរឿងបញ្ជូនខ្លួនជនសង្ស័យ ទៅកាន់តុលាការចាត់កាតាមផ្លូវច្បាប់៕