កំពង់ធំ: បុរសម្នាក់យកគោទៅចងត្រូវរន្ទះបាញ់ស្លាប់ពេលមេឃកំពុងភ្លៀង ហេតុការណ៍នេះកើតឡើងនៅម៉ោង២:៣០នាទី ថ្ងៃទី១៣ ខែឧសភា ឆ្នាំ២០១៦ ត្រង់ចំណុចវាលបឹងរទេះ ភូមិកំពង់ឈើទាល ឃុំសំបូរ ស្រុកប្រាសាទសំបូរ ខេត្តកំពង់ធំ។

ជនរងគ្រោះឈ្មោះ ផុន ឃុន ភេទប្រុស អាយុ៣៩ឆ្នាំ ស្នាក់នៅភូមិកំពង់ឈើ ឃុំសំបូរ ស្រុកប្រាសាទសំបូរ ខេត្តកំពង់ធំ។

យោងតាមអ្នកភូមិជាច្រើនបានប្រាប់ថា រងគ្រោះបានដឹកគោទៅចងនៅវាលបឹងផ្លូវរទេះហើយត្រឡប់មកផ្ទះវិញបន្ទាប់ពីហូបបាយថ្ងៃត្រង់រួចរាល់ហើយម៉ោង១១:៣០នាទី ដែលមេឃកំពុងរកភ្លៀងគាត់ក៏ជិះម៉ូតូគុបមូលកញ្ចាស់ទៅវាល ដើម្បីផ្លាស់គោឲ្យទឹកតែជាអកុសល្យមេឃភ្លៀង ហើយមានខ្យល់កន្ត្រាក់មានបាក់ដើមឈើប្រហែលជាងកន្លះម៉ោងស្រាប់តែមានរន្ទះបាញ់៣ទៅ៤ដងបង្កឲ្យប្រជាពលរដ្ឋមានការភិតភ័យខ្លាចយ៉ាងខ្លាំងដែលមេឃកំពុងតែភ្លៀងចាប់ពីម៉ោង១២ថ្ងៃត្រង់ទៅម៉ោង១២:៤០នាទី។

ហេតុការណ៍នេះត្រូវបានអ្នកភូមិនៅចំការក្បែរនោះប្រទះក៏រត់មកប្រាប់ក្រុមគ្រួសារនៅម៉ោង២:១០នាទី។

បច្ចុប្បន្ន សពជនរងគ្រោះត្រូវបានក្រុមគ្រួសារយកមកធ្វើបុណ្យតាមប្រពៃណី៕