ភ្នំពេញៈ បុរសម្នាក់សង្ស័យស្រវឹងស្រាបេីករថយន្តកាមរី បាឡែនយ៉ាងលឿនរេចង្កូតទៅពន្លះគ្នា ជាមួយកាមរីឆ្លាម ចំពីមុខពេញទំហឹង វិលបីបួនជុំរថយន្តមិនទាន់អស់ល្បឿន បន្តទៅបុកនឹងតូបអ៊ុតទូរស័ព្ទ រួមជាមួយនឹងដេីមឈេី មួយដេីមទៀត បណ្ដាលឲ្យរថយន្តដាច់កាឡេរកង់ទៅមុខលែងរួច បានបង្កការភ្ញាក់ផ្អេីល ដល់ប្រជាពលរដ្ឋទាំងយប់ នៅវេលាម៉ោង ១២ និង២៥នាទីរំលងអាធ្រាតឈានចូលថ្ងៃទី២៦ ខែមីនា ឆ្នាំ២០១៧ តាមបណ្ដោយផ្លូវម៉ៅសេទុង នៅមុខផ្សារឃ្លាំងរំសេវ ស្ថិតក្នុងសង្កាត់ផ្សារដេីមគរ ខណ្ឌទួលគោក រាជធានីភ្នំពេញ។

ប្រភពពីសាក្សីនៅកន្លែងកេីតហេតុ បានប្រាប់ឲ្យដឹងថា មុនពេលកេីតហេតុ គេបានឃេីញរថយន្តមួយគ្រឿង ម៉ាកកាមរីបាឡែនពណ៍ទឹកប្រាក់ ពាក់ស្លាកលេខភ្នំពេញ 2R-3300 បេីកបរដោយយុវជនស្ទាវម្នាក់ ធ្វេីដំណេីរតាមបណ្ដោយផ្លូវម៉ៅសេទុង ក្នុងទិសដៅពីជេីងទៅត្បូង លុះមកជិតដល់ចំណុចកេីតហេតុ បានបេីកយ៉ាងលឿនវ៉ារថយន្តកុងតឺនឺ ក៏វាក់អេីជាមួយនឹងម៉ូតូមួយគ្រឿង ហេីយបានបួងចង្កូតគេច តែសំណាងមិនល្អ រេចង្កូតជ្រុលទៅពន្លះគ្នាជាមួយរថយន្តកាមរីឆ្លាម ដែលធ្វេីដំណេីរពីត្បូងទៅជេីង បញ្ច្រាស់ទិសគ្នាចំពីមុខពេញទំហឹង វិលបីបួនជំុហេីយរថយន្តមិនទាន់អស់ល្បឿន បន្តទៅបុកនឹងតូបអ៊ុតទូរស័ព្ទ រួមជាមួយនឹងដេីមឈេីមួយដេីមទៀត បណ្ដាលឲ្យរថយន្តដាច់កាឡេកង់ខាងមុខផ្នែកខាងស្ដាំជាប់នឹងគល់ឈេី ទៅមុខលែងរួច រីឯរថយន្តកាមរីឆ្លាមរងការខូចខាតផ្នែកខាងមុខស្ទេីរតែទាំងស្រុង តែសំណាងល្អមិនបានបង្កគ្រោះថ្នាក់ដល់នរណាម្នាក់នោះទេ។

ក្រោយពេលកេីតហេតុ រថយន្តទាំងពីរ ត្រូវបានសម្ថកិច្ចជំនាញចរាចរណ៍ជេីងគោក ធ្វេីការវាស់វែងយកទៅ រក្សារទុកនៅការរិយាល័យចរាចរណ៍ជេីងគោកនៃស្នងការនរគបាលរាជធានីភ្នំពេញ ដេីម្បីរងចាំម្ចាស់រថយន្តចូលខ្លួនដោះស្រាយទៅតាមច្បាប់៕