ភ្នំពេញ: បុរសម្នាក់ ជាអតីតអ្នករត់រ៉ឺម៉កកង់បី បច្ចុប្បន្ននៅផ្ទះ បានដាច់ចិត្តចងកសម្លាប់ខ្លួនឯងនឹងជម្រឹងបង្អួច ដោយបានផ្តាំប្រពន្ធថាមើលថែកូនផងបងលាហើយ។
ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង៨និង១០នាទី យប់ថ្ងៃទី២៩ ខែមីនា ឆ្នាំ២០១៧ ស្ថិតនៅចំណុចអាគារបុរីកីឡាទី៥ ជាន់ទី៥ បន្ទប់លេខ១៥ ស្ថិតក្នុងសង្កាត់វាលវង់ ខណ្ឌ៧មករា រាជធានីភ្នំពេញ។
សពប្រពន្ធមានឈ្មោះ ស៊ុន ស៊ីថារិទ្ធ អាយុ៣៩ឆ្នាំ មានស្រុកកំណើត ខេត្តកំពង់ធំ មុខរបរនៅផ្ទះ ពីមុនប្រកបរបរជាអ្នករត់កង់បី ដោយប្រពន្ធមានឈ្មោះ ស្រី រត័្ន អាយុ២៨ឆ្នាំ មុខរបរចុងភៅ។
តាមសម្តីរបស់ប្រពន្ធបានឲ្យដឹងថា មុនពេលកើតហេតុ គាត់បានចុះទៅក្រោមដើម្បីរកទិញម្ហូប ក្រោយមកក៏ស្រាប់តែប្តីគាត់តេទូរសព្ទមកប្រាប់ថា បងលាហើយមើលថែកូនហើយ ។លុះគាត់រត់ឡើងមកមើលឃើញប្តីរបស់គាត់ចងកនឹងចម្រឹងបង្អួចស្លាប់បាត់ទៅហើយ បន្សល់ទុកនៅកូនតូចប្រុស៣នាក់ ទី១អាយុ៥ឆ្នាំ ទី២អាយុ៣ឆ្នាំ និងទី៣អាយុ១ខួប។
ក្រោយកើតហេតុសមត្ថកិច្ច បានចុះទៅធ្វើកោសល្យវិច័យ និងធ្វើកំណត់ហេតុប្រគល់សពឲ្យក្រុមគ្រួសារយកទៅវត្ត ដើម្បីធ្វើបុណ្យតាមប្រពៃណី៕
មតិយោបល់