ព័ត៌មានជាតិ

ប្តីថៅកែការ៉ាសសាំង លីម ឡុង ជំងឺធ្វើទុក្ខដេកស្លាប់បង្កឲ្យមានការភ្ញាក់ផ្អើល

ភ្នំពេញ: ហេតុការណ៍ភ្ញាក់ផ្អើលមួយបានកើតឡើង បន្ទាប់ពីបុរសម្នាក់ត្រូវបានគេប្រទះឃើញដេកស្លាប់នៅក្នុងការ៉ាសសាំងមួយកន្លែង ដោយមិនដឹងមូលហេតុ។ ហេតុការណ៍នេះបានកើតឡើង កាលពីវេលាម៉ោង ៥និង៣០នាទី ព្រឹកថ្ងៃទី៣០ ខែមីនា ឆ្នាំ២០១៧ ស្ថិតនៅចំណុចការ៉ាសសាំង ផ្លូវ២៧សេសេ ក្នុងភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។

ជនរងគ្រោះដែលស្លាប់ខាងលើនេះមានឈ្មោះ អៃ សៀងហេង ភេទប្រុស អាយុ៤៩ឆ្នាំ មុខរបរជាមន្ត្រីយោធា ដោយមានប្រពន្ធឈ្មោះ ឃុន គឹមលាង ភេទស្រី អាយុ៤៧ឆ្នាំ មុខរបរជាម្ចាស់ហាងការ៉ាសសាំង លីម ឡុង ស្នាក់នៅចំណុចកើតហេតុខាងលើ។

ប្រភពព័ត៌មានបានឲ្យដឹងថា មុនពេលកើតហេតុ ជនរងគ្រោះមានជំងឺប្រចាំកាយ រយ:ពេលជាច្រើនឆ្នាំមកហើយ បានទៅ ពិនិត្យនិងព្យាបាលនៅគ្លីនិកជាច្រើនលើក ច្រើនសារ ដោយសារតែជំងឺលើសឈាម រយ:ពេលប៉ុន្មានថ្ងៃកន្លងមកជំងឺរបស់ជនរងគ្រោះបានធ្វើទុក្ខឡើង រហូតដល់ថ្ងៃកើតហេតុ ជនរងគ្រោះបានចូលទៅសម្រាកជាមួយប្រពន្ធនឹងកូនប្រុសក្នុងបន្ទប់ រហូតមកដល់ម៉ោងកើតហេតុ ប្រពន្ធជនរងគ្រោះបានទៅសម្រាកជាមួយគ្នា ដោយប្លែកមិនឃើញប្តីក្រោកពីដំណេក ក៏ហៅនិងស្ទាបប្តីទើបដឹងថា ជនរងគ្រោះដេកស្លាប់បាត់ទៅហើយ ក៏បង្កឲ្យមានការភ្ញាក់ផ្អើលតែម្តង។

ក្រោយកើតហេតុ សមត្ថកិច្ចជំនាញបានចុះទៅធ្វើការពិនិត្យបានឲ្យដឹងថា សាកសពជនរងគ្រោះពិតជាស្លាប់ដោយសារតែជំងឺធ្វើទុក្ខពិតប្រាកដមែន មិនមែនជាករណីឃាតកម្មអ្វីនោះទេ ។ ហើយបច្ចុប្បន្នសពជនរងគ្រោះត្រូវបានសមត្ថកិច្ចប្រគល់ទៅឲ្យក្រុមគ្រួសារធ្វើបុណ្យតាមប្រពៃណី៕

មតិយោបល់