ភ្នំពេញ: ភ្នាក់ងារ Post News បានឲ្យដឹងថា មានករណីម៉ូតូកង់បីបើកបត់បញ្ច្រាសទិស មិនប្រុងប្រយ័ត្នត្រូវម៉ូតូសណ្តោងដែកបុកបណ្តាលឲ្យស្លាប់ក្មេងប្រុសម្នាក់ អាយុ១ឆ្នាំ ធ្លាក់ពីលើកង់បី ហើយកង់កូនក្មេងសង្កត់ពីលើទៀត ។

ហេតុការណ៍នេះ បានកើតឡើងកាលពីវេលាម៉ោងជាង៩យប់ ថ្ងៃទី ៣០ ខែ មីនា ឆ្នាំ ២០១៧ នៅចំណុចផ្លូវ២១៧ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ ។

រ៉ឺម៉កកង់បីពាក់ស្លាកលេខ កំពង់ស្ពឺ 1D-2184 អ្នកបើកបរមិនស្គាល់អត្តសញ្ញាណ រីឯអ្នកបើកបរម៉ូតូសណ្តោងដែកមិនស្គាល់អត្តសញ្ញាណដូចគ្នា ពាក់ស្លាកលេខ ព្រៃវែង 1B-1715 ។

បច្ចុប្បន្នសមត្ថកិច្ចបានយកម៉ូតូកង់បីនិងម៉ូតូសណ្តោងដែក ទៅរក្សាទុកនៅប៉ុស្តិ៍ស្ទឹងមានជ័យដើម្បីធ្វើកំណត់ហេតុនិងសាកសួរដើម្បីកសាងសំណុំរឿងចាត់ការតាមនីតិវិធី ៕