ព័ត៌មានជាតិ

ខ្លាំងបាត់ ! ឃើញនាងនៅក្នុងបន្ទប់ម្នាក់ឯង ចូលចាប់រំលោភរហូតបានសម្រេចហើយគេចខ្លួនបាត់

ភ្នំពេញ: ភ្នាក់ងារ Post News Media បានរាយការណ៍មកថា នារីម្នាក់បានធ្វើដំណើរមកកាន់នគរបាលប៉ុស្តិ៍ចោមចៅ សុំការអន្តរាគមន៍កាលពីវេលាម៉ោង១រសៀលថ្ងៃទី១១ខែមេសា​ ឆ្នាំ២០១៧​ ដោយសារតែបុរសម្នាក់បានចាប់រំលោភសេពសន្ថវ:រហូតបានសម្រេច​ ខណ:រូបនាងនៅក្នុងបន្ទប់ជួលម្នាក់ឯង​ កាលពីវេលាម៉ោង១២និង១០នាទីថ្ងៃត្រង់​ ថ្ងៃទី១០ខែឆ្នាំដដែល​ នៅបន្ទប់ជួលផ្ទះឡៅតឿ ផ្លូវវេងស្រេង​ សង្កាត់ចោមចៅ​ ខណ្ឌពោធិ៍សែនជ័យ ។

នារីរងគ្រោះឈ្មោះ ល ស អ ភេទស្រី អាយុ៣០ឆ្នាំ មុខរបរកម្មការិនីរោងចក្រ​ មានស្រុកកំណើតនៅឃុំព្រែកពោធិ៍ ស្រុកស្រីសន្ធ​រ ខេត្តកំពង់ចាម ។ ចំណែកជនសង្ស័យមិនត្រូវបានស្គាល់ឈ្មោះនោះទេបានគេចខ្លួនបាត់ ។

​តាមសំដីជនរងគ្រោះបានឲ្យដឹងថា​ នៅមុនពេលកើតហេតុរយ:ពេល៣ថ្ងៃមុន រូបគាត់បានទៅមើលគេរាំលេងនៅក្នុងបរិវេនបន្ទប់ជួល ហើយគាត់ក៏បានទៅមើលគេរាំលេង ពេលនោះក៏ជួបបុរសម្នាក់ ។

ជនរងគ្រោះបានបន្តថា​ បន្ទាប់មកបុរសម្នាក់នោះក៏សុំលេខទូរសព្ទរបស់គាត់​ លុះថ្ងៃបន្ទាប់បុរសនោះតែងតែខលមកនិយាយលេង​ រហូតមកវេលាកើតហេតុរូបគាត់បានកំពុងតែដេកនៅក្នុងបន្ទប់ម្នាក់ឯងស្រាប់តែបុរសនោះមកចូលក្នុងបន្ទប់ភ្លាមនោះរួបគាត់បានដេញឲ្យទៅវិញតែបុរសនោះមិនព្រមចេញហើយក៏ធ្វើសកម្មភាពចាប់រំលោភសេពសន្ថវ:តែម្តងពេលនោះរូបនាងខំប្រឹងស្រែកឲ្យគេជួយដែរតែបុរសរូបនោះបានខ្ទប់មាត់រហូតបានសម្រេចហើយក៏ចេញទៅបាត់ ។

បន្ទាប់ពីត្រូវជនសង្ស័យចាប់រំលោភបានសម្រេចរួចដោយសារមានធ្លាក់ឈាមខ្លាំងពេករួបគាត់ក៏ទៅមន្ទីរពេទ្យ ។ លុះរហូតដល់វេលាម៉ោង១២រំលងអាធ្រាត្រទើបខលទៅប្រាប់ប្អូនថ្លៃឲ្យមកមើលនៅមន្ទីរពេទ្យ ។

ជនរងគ្រោះបានបន្តថា​ លុះរហូតមកដល់វេលា១រសៀលទើបធ្វើដំណើរមកដាក់ពាក្យបណ្តឹងដើម្បីឲ្យនគរបាលអន្តរាគមន៍ ៕

មតិយោបល់