Post News Media ព័ត៌មានជាតិ សង្ស័យឆ្លងចរន...

សង្ស័យឆ្លងចរន្ត រថយន្តហាយឡែនឌ័រកំពុងបើកសុខៗឆេះផ្អើលតែម្តង លោះព្រលឹងអស់!

សៀមរាប: លោកអធិការស្រុកជីក្រែង បានប្រាប់Post News ថា មានករណីឆេះរថយន្តម៉ាក ហាយឡែនឌ័រមួយគ្រឿង កំពុងបើកបរសុខៗសង្ស័យឆ្លងចរន្ត ស្រាប់តែឆេះរថយន្តយ៉ាងសន្ធោសន្ធៅ បង្កឲ្យមានការភ្ញាក់ផ្អើលដល់បងប្អូនប្រជាពលរដ្ឋ រួមនឹងសមត្ថកិច្ចចុះមកអន្តរាគមន៍បាញ់ពន្លត់។

ហេតុការណ៍នេះ​បានកើតឡើងកាលពីវេលាម៉ោង១យប់ឈានចូលថ្ងៃទី១៨ ខែមេសា ឆ្នាំ២០១៧ ស្ថិតនៅតាមបណ្តោយផ្លូវលេខ៦អា ភូមិក្នុង ឃុំល្វែងឬស្សី ស្រុកជីក្រែង ខេត្តសៀមរាប។

ពាក់ពន្ធ័នឹងករណីឆេះរថយន្តនេះដែរ ត្រូវបានគេដាក់ការសង្ស័យថា បណ្តាលមកពីការឆ្លងចរន្ត ហើយក្រោយពីសមត្ថកិច្ចបាញ់ពន្លត់រថយន្តដែលឆេះរួចហើយនោះ បាននាំយកមករក្សាទុកប៉ុស្តិ៍ដើម្បីរក្សាទុកផងដែរ៕