ភ្នំពេញៈ បើតាមអគ្គិសនីកម្ពុជា បានឲ្យដឹងថា “នៅថ្ងៃទី17 ខែឧសភា ឆ្នាំ2016 នៅវេលាម៉ោង 16:16នាទី មានករណីដាច់ចរន្តអគ្គិសនីពីអនុស្ថានីយទី2(GS2-F5B) ដែលធ្វើឲ្យដាច់ចរន្តអគ្គិសនី នៅផ្លូវ271 ភូមិឬស្សី និងភូមិដំណាក់ធំ សង្កាត់ស្ទឹងមានជ័យ ខណ្ឌមានជ័យ។ មូលហេតុបណ្ដាលមកពីមានកំហូចកាបតង់ស្យុងមធ្យម(MV)ក្រោមដី”។

បច្ចុប្បន្នក្រុមការងារបច្ចេកទេសកំពុងតែធ្វើការជួសជុល ដើម្បីឲ្យអតិថិជនឆាប់មានចរន្តអគ្គិសនីប្រើប្រាស់ឡើងវិញ អាស្រ័យហេតុនេះ សូមសម្តេច ទ្រង់ ឯកឧត្តម លោកជំទាវ អ្នកឧកញ៉ា លោក លោកស្រី មេត្តាជ្រាបជាព័ត៌មាន៕