កំពតៈ លោកអធិការរងស្រុកអង្គរជ័យ បានប្រាប់ Post News ថា មានគ្រោះថ្នាក់ចរាចរណ៍បង្កឡើងដោយខ្លួនឯង កាលពីវេលាម៉ោង១២ ថ្ងៃត្រង់ទី២៨ ខែមីនា ឆ្នាំ២០១៧ នៅលើផ្លូវជាតិលេខ៣១ ត្រង់ចំណុចភូមិព្រៃផ្តៅ ឃុំភ្នំកុង ខេត្តកំពត។

សមត្ថកិច្ចបានឲ្យដឹងថា ជនរងគ្រោះមានឈ្មោះ យន់ ឌីម ភេទប្រុស អាយុ៣២ឆ្នាំ ស្នាក់នៅភូមិតាកុក ឃុំតានី ស្រុកអង្គរជ័យ ខេត្តកំពត។

ប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុ គេបានឃើញម៉ូតូម៉ាកសេ១២៥ ស៊េរី០១៤ ពណ៌ខ្មៅ ជិះក្នុងល្បឿនលឿនបានជ្រុលទៅបុកបង្គោលគីឡូម៉ែត្រដាំនៅជាប់ថ្នល់ បណ្តាលឲ្យរងរបួសធ្ងន់។

ក្រោយពីកើតហេតុជនរងគ្រោះ ត្រូវបានរថយន្តសាមុយដឹកយកទៅព្យាបាលនៅមន្ទីរពេទ្យផងដែរ៕