ព្រះសីហនុៈ តាមសេចក្តីរាយការណ៍ពីនគរបាលស្រុកព្រៃនប់បានឲ្យដឹងថា មានករណី ផ្ទុះឡកម្តៅកុងប្លាកេ ក្នុងរោងចក្រ ហ្លាញ ហ្វ្ល រីង ខេមបូឌា ខូអិលធីឌី ផលិត ក្ដា កុងប្លាកេ បណ្ដាលឲ្យកម្មករចំនួន២នាក់រងរបួសធ្ងន់ ។

ហេតុការណ៍នេះបានកើតឡើងកាលពីវេលាម៉ោង៥និង៣០នាទីល្ងាច ថ្ងៃទី២៧ ខែមេសា ឆ្នាំ២០១៧ ស្ថិតក្នុងតំបន់សេដ្ឋកិច្ចពិសេស ក្នុងភូមិពូធឿង ឃុំបិតត្រាំង ស្រុកព្រៃនប់ ខេត្តព្រះសីហនុ។

សមត្ថកិច្ចបានឲ្យដឹងថា ជនរងគ្រោះទី១មានឈ្មោះ រាំង ធី ភេទប្រុស មានទីលំនៅ ភូមិពូធឿងឃុំបិតត្រាំង ស្រុកព្រៃនប់ ខេត្តព្រះសីហនុ និងទី២ឈ្មោះ នាង នឿន ភេទប្រុស មានទីនៅភូមិព្រៃនប់២ ឃុំ ស្រុព្រៃនប់ ខេត្តព្រះសីហនុ។

ក្រោយកើតហេតុជនរងគ្រោះត្រូវបញ្ជូនទៅសង្រ្គោះនៅមន្ទីពេទ្យសេតេ ហើយដែលភ្លើងឆេះ ត្រូវបានពន្លត់រួចហើយ ៕