(ភ្នំពេញ)៖ កម្លាំងនគរបាលប៉ុស្ដិ៍ទួលស្វាយព្រៃ១ ធ្វើការឃាត់ខ្លួនមុខសញ្ញាចោរឆក់យ៉ាងសកម្មម្នាក់ នៅចំណុចខាងមុខផ្ទះលេខ ៣៤ ផ្លូវ៣៣៨ សង្កាត់ទួលស្វាយព្រៃទី២ ខណ្ឌចំការមន កាលពីវេលាម៉ោងជាង៥ ថ្ងៃទី០៥ ខែមេសា ឆ្នាំ ២០១៦ ។ សេចក្ដីរាយការណ៍ បានឲ្យដឹងថា ជនសង្ស័យមានឈ្មោះ សុខ ពៅ អាយុ២៩ ឆ្នាំ មានមុខរបរមិនពិតប្រាកដ ស្នាក់នៅផ្ទះលេខ២៩ ផ្លូវលេខ៦៦ ភូមិ៧ សង្កាត់បឹងសាឡាង ខណ្ឌទួលគោក ត្រូវបានឃាត់ខ្លួន ក្រោយពីជិះម៉ូតូ ហុងដារ និច ពណ៌ក្រហម លាយស គ្មានស្លាកលេខ សេរីឆ្នាំ ២០១៦ មួយគ្រឿង ដោយម្នាក់ឯងធ្វើសកម្មភាព ឆក់ទូរស័ព្ទម៉ាក iPhone 6 Plus ១គ្រឿង ពីបុរសម្នាក់ដែលកំពុងអង្គុយនិយាយទូរស័ព្ទលើរ៉ឺម៉ក។ បច្នុប្បន្ននេះ ជនសង្ស័យត្រូវកម្លាំងនគរបាលទូលស្វាយព្រៃ ១ នាំខ្លួនមកសាកសួរ ដើម្បីចាត់ការទៅ
តាមផ្លូវច្បាប់ ។ចំណែកទូរស័ព្ទត្រូវបានសមត្ថកិច្ចធ្វើការប្រគល់ជូនជនរងគ្រោះវិញផងដែរ ៕
ព័ត៌មានជាតិ
មតិយោបល់