តាកែវៈ លោកអធិការស្រុកគិរីវង់ បានប្រាប់ Post Newsថា កម្លាំងនគរបាលជំនាញ នៃអធិការដ្ឋាននគរបាលស្រុកគិរីវង់ បានចុះល្បាតធ្វើការស្រាវជ្រាវ និងចាប់ខ្លួនបានជនសង្ស័យប្រុសស្រីចំនួន៥នាក់ ជាបន្តបន្ទាប់ ដកហូតបានថ្នាំញៀនចំនួន២៤កញ្ចប់។

សមត្ថកិច្ចបានឲ្យដឹងថា កាលពីវេលាម៉ោង៨ និង៥៥នាទីយប់ ថ្ងៃទី២៧ ខែមេសា ឆ្នាំ២០១៧ កម្លាំងជំនាញនៃអធិការដ្ឋានបានចេញល្បាត ជួបជនសង្ស័យ២នាក់ សមត្ថកិច្ចធ្វើការត្រួតពិនិត្យបំពង់ជក់គ្រឿងញៀន១ និងថ្នាំ១កញ្ចប់តូច។ ហើយនៅថ្ងៃខែឆ្នាំ ដដែលវេលាម៉ោង១០និង៥នាទីយប់ កម្លាំងសមត្ថកិច្ចបានបន្តចាប់បានមុខសញ្ញាចែកចាយម្នាក់ទៀត ទី១ឈ្មោះ យី ធារ៉ា ភេទប្រុស អាយុ២៥ឆ្នាំ ស្នាក់នៅភូមិ ត្រពំាងស្រង់ ឃុំព្រះបាទជាន់ជុំ (អ្នកប្រើប្រាស់)។ ទី២ឈ្មោះ ចាន់ ផានិត្យ ភេទប្រុស អាយុ២៧ឆ្នាំ នៅភូមិកំពុង ឃុំព្រះបាទជាន់ជុំ (អ្នកប្រើប្រាស់) និងទី៣ឈ្មោះ កឹម ស្រ៊ុន ហៅហុង ភេទប្រុស អាយុ៣៤ឆ្នាំ ស្នាក់នៅភូមិពោធិ៍ ឃុំខាងលើ (អ្នកចែកចាយ)។ លុះដល់វេលាម៉ោង១០និង៥០នាទី ព្រឹកថ្ងៃទី២៨ ខែមេសា ឆ្នាំ២០១៧ សមត្ថកិច្ចបានបន្តចាប់បានមុខសញ្ញាចែកចាយបានម្នាក់ទៀតឈ្មោះ សុខ ស្រេង ភេទប្រុស អាយុ៣៤ឆ្នាំ នៅភូមិពោធិ៍ខ្វិត ឃុំព្រះបាទជាន់ជុំ (អ្នកចែកចាយ)។ ហើយ ដល់វេលាម៉ោង២និង២៩នាទី រសៀលថ្ងៃដដែល ក៏បន្តចាប់បានមុខសញ្ញាចែកចាយម្នាក់ទៀត ឈ្មោះ សុខ ធារី ភេទស្រី អាយុ៣៣ឆ្នាំ នៅភូមិពោធិ៍ ឃុំព្រះបាទជាន់ជុំ (អ្នកចែកចាយ)។ ដកហូតបានថ្នាំញៀនចំនួន២៤កញ្ចប់តូច។

បច្ចុប្បន្នជនសង្ស័យខាងលើ កំពុងត្រូវបានសមត្ថកិច្ចធ្វើការសាកសួរនិងកសាងសំណុំរឿងបញ្ជូនខ្លួនទៅកាន់ តុលាការចាត់ការតាមផ្លូវច្បាប់៕

https://youtu.be/0kI5DvU42Z4