កណ្តាលៈ កម្លាំងនគរបាលកោះធំ បានធ្វើការឃាត់ខ្លួនបុរសម្នាក់ជាមួយគ្រឿងញៀន៨កញ្ចប់តូចកាលពីវេលាម៉ោង១និង១៥នាទី ថ្ងៃទី១៧ ខែឧសភា ឆ្នាំ២០១៦នេះ នៅត្រង់ចំណុចភូមិឈើខ្មៅ ឃុំឈើខ្មៅ ស្រុកកោះធំ ខេត្តកណ្ដាល។

ប្រភពឲ្យដឹងថា ជងសង្ស័យមានឈ្មោះ អ៊ឹម រ៉ាវី ភេទប្រុស អាយុ១៩ ឆ្នាំ ជនជាតិខ្មែរ មុខរបរ មិនពិតប្រាកដ ទីលំនៅភូមិឈើខ្មៅ ឃុំឈើខ្មៅ ស្រុកកោះធំ ខេត្តកណ្ដាល។ ចំណែកបក្ខពួកម្នាក់ទៀតឈ្មោះ ងន ចិន្តា (ហៅ ម៉ាប់) ភេទប្រុស អាយុ២៣ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិឈើខ្មៅ ឃុំឈើខ្មៅ ស្រុកកោះធំ ខេត្តកណ្ដាល កំពុងរត់គេចខ្លួន។

ករណីខាងលើនេះ សមត្ថកិច្ចបានដកហូតវត្ថុតាងមួយចំនួនរួមមាន៖
១/ម៉្សៅក្រាមពណ៌សថ្លាប្រភេទមេតំហ្វេតាមីន(ម៉ាទឹកកកIce) ចំនួន ០៨ កញ្ចប់តូច
២/ទូរស័ព្ទដៃម៉ាក មិត្តហ្វូន ចំនួន០១ គ្រឿង។

យោងតាមប្រភពពីសមត្ថកិច្ចបានឱ្យដឹងថា ជនសង្ស័យឈ្មោះ អ៊ឹម រ៉ាវី បានឆ្លើយសារភាពថា គ្រឿងញៀនទាំងនោះ គឺពិតជារបស់ខ្លួនបានទទួលកាន់ឲ្យឈ្មោះ ងន ចិន្តា(ហៅ ម៉ាប់) ដើម្បីយកទៅលក់និងចែកចាយបន្តឲ្យគេនៅក្នុងតំបន់កើតហេតុខាងលើប្រាកដមែន។

បច្ចុប្បន្នជនសង្ស័យខាងលើ និងវត្ថុតាងត្រូវបានសមត្ថកិច្ចជំនាញបញ្ជូនទៅកាន់អធិការដ្ឋាននគរបាលស្រុកកោះធំ ដើម្បីកសាងសំណុំរឿងចាត់ការតាមនីតិវិធី៕