កំពង់ឆ្នាំងៈ លោកអធិការស្រុកកំពង់ត្រឡាច បានប្រាប់ Post News ថា មានករណី បុរសម្នាក់ ធ្វើអត្តឃាតចងក សម្លាប់ខ្លួន បង្កឲ្យមានការភ្ញាក់ផ្អើល។

ហេតុការណ៍នេះបានកើតឡើងកាលពីវេលាម៉ោង១និង៣០នាទី រសៀលថ្ងៃទី៦ ខែឧសភា ឆ្នាំ២០១៧ នៅចំណុចស្រែចិន ក្នុងភូមិបឹងកក់ ឃុំលង្វែក ស្រុកកំពង់ត្រឡាច ខេត្តកំពង់ឆ្នាំង។

លោកអធិការបន្តថា ជនរងគ្រោះមានឈ្មោះ អ៊ំ លួត ភេទប្រុស ស្នាក់នៅភូមិក្រឡាញ់ ឃុំអូរឬស្សី ។
លោកអធិការបន្តទៀតថា មុនពេលកើតហេតុ មានប្រជាពលរដ្ឋឈ្មោះ មាច សាមឿន ភេទប្រុស បានដើរទៅលែងគោ នៅចំណុចកើតហេតុខាងលើ ក៏បានប្រទះឃើញសពជនរងគ្រោះ ចងក សម្លាប់ខ្លួន នៅដើមចន្ទី នឹងខ្សែគោប្រវែងប្រហែល៤ម៉ែត្របត់ជា២ ពេលគាត់ឃើញគាត់ស្មានថាកូនប្រសារគាត់ ក៏កាប់ខ្សែផ្តាច់ទំលាក់មកដី។

ក្រោយពីទទួលបានព័ត៌មាន សមត្ថកិច្ចបានចុះទៅដល់កន្លែងកើតហេតុ ហើយហ៊ុំពទ្ធ័កន្លែងកើតហេតុ រង់ចាំកម្លាំងជំនាញចុះមកដល់៕