បាត់ដំបងៈ ភ្នាក់ងារ Post News ប្រចាំខេត្តបាត់ដំបង បានឲ្យដឹងថា កាលពីវេលាម៉ោង១០និង១០នាទី យប់ថ្ងៃទី៦ ខែឧសភា ឆ្នាំ២០១៧ មានករណី ភ្លៀង និងខ្យល់កន្ត្រាក់ បណ្តាលឲ្យខូចខាតទ្រព្យសម្បត្តិផ្ទះរបស់ប្រជាពលរដ្ឋអស់ចំនួន៦២ខ្នង នៅក្នុងមូលដ្ឋាន ស្រុកសំពៅលូន ខេត្តបាត់ដំបង។

សមត្ថកិច្ចបានឲ្យដឹងថា ផ្ទះដែលរងការខូចខាតរួមមាន៖ រលំខូចខាតទាំងស្រុងចំនួន៦ខ្នង, របើកដំបូលស័ង្កសី មួយចំហៀង ស្មើ១២ខ្នង, របើកដំបូលស័ង្កសី ចាប់ពី ២-៣០សន្លឹក ចំនួន៣៩ខ្នង, របើកដំបូលសង្ក័សីទាំងស្រុងចំនួន៤ខ្នង, ហើរក្បឿងអនុវិទ្យាល័យ៥០សន្លឹក និងដើមដូងរលំកិនផ្ទះ២ខ្នង។

ចំពោះមនុស្សមិនទទួលរងគ្រោះថ្នាក់អ្វីទេ ៕