ពោធិ៍សាត់: លោក ឯម រុន អធិការនគរបាលស្រុកក្រគរ បានប្រាប់ Post News ថា ជនសង្ស័យម្នាក់ ត្រូវបានសមត្ថកិច្ចឃាត់ខ្លួន ក្រោយពីធ្វើសកម្មភាពគាស់ទំលុះទំលាយ តូបលក់ចាប់ហួយ យកទ្រព្យសម្បត្តិប្រជាពលរដ្ឋ។

ហេតុការណ៍នេះបានកើតឡើងកាលពីវេលាម៉ោង១១យប់ ថ្ងៃទី៩ ខែឧសភា ឆ្នាំ២០១៧ ភូមិព្រៃខ្លា ឃុំត្នោតជុំ ស្រុកក្រគរ ខេត្តពោធិ៍សាត់។

លោក ឯម រុន អធិការបានបន្តថា ជនរងគ្រោះឈ្មោះ ព្រំ សុខណា អាយុ៣៧ឆ្នាំ ភេទប្រុស ស្នាក់នៅ ភូមិព្រៃខ្លា ឃុំត្នោតជុំ ស្រុកក្រគរ ខេត្តពោធិ៍សាត់។ ចំណែកជនសង្ស័យឈ្មោះ ប៉ែន ចម្រើន អាយុ២០ឆ្នាំ ភេទប្រុស ស្នាក់នៅភូមិខ្នារ សង្កាត់លលកស ក្រុងពោធិ៍សាត់ ខេត្តពោធិ៍សាត់។

ជាមុខសញ្ញាបានធ្វើសកម្មភាព លួចគាស់តូបយកទ្រព្យសម្បត្តិ តែត្រូវបានម្ចាស់តូបមកទាន់ រួមជាមួយជាមួយប្រជាពលរដ្ឋ និងប្រជាការពារដេញ រួចរាយការជូនប៉ុស្តិ៍ត្នោតជុំ និងប៉ុស្តិ៍បឹងកន្ទួត ពទ្ធ័ចាប់បានបញ្ជូនមកកាន់អធិការដ្ឋាននគរបាលស្រុកក្រគរ ដើម្បីសាកសួរ។

ជាលទ្ធផលនៃការសាកសួរ ជនសង្ស័យបានឆ្លើយសារភាពថា ខ្លួនបានធ្វើសកម្មភាព លួចគាស់ទំលុះទំលាយ យកទ្រព្យសម្បត្តិប្រជាពលរដ្ឋនៅក្នុងស្រុកក្រគរចំនួន៣លើក នៅឃុំត្នោតជុំ២លើក នៅឃុំអន្លង់ត្នោត១លើក។
ក្នុងនោះដកហូតបានរួមមាន៖ កាបូបដាក់លុយចំនួន១,ទូរសព្ទដៃ១គ្រឿងនិងលុយខ្មែរចំនួន៤០០,០០០ រៀល។

លោក ឯម រុម អធិការ បន្តទៀតថា ជនសង្ស័យពាក់ពន្ធ័២ករណី៖
១.បទគាស់ទំលុះទំលាយយកទ្រព្យសម្បត្តិ អ្នកដ៏ទៃ។
២.បទចែកចាយ និងប្រើប្រាស់ដោយខុសច្បាប់នូវសារធាតុញៀន។

បន្ទាប់មកយើងធ្វើការឆែកឆេរនៅលើខ្លួនប្រាណ និងដកហូតម៉ូតូ១គ្រឿង,ដាវស៊ាំមូរ៉ៃ១ដើម, ម្សៅក្រាមពណ៌សថ្លា សង្ស័យថាមានសារធាតុញៀន៩កញ្ចប់ ក្នុងនោះ ៧កញ្ចប់តូច និង២កញ្ចប់ធំ,ទូរសព្ទដៃ១គ្រឿង។

ជនសង្ស័យឃាត់ខ្លួនតាមបញ្ជារបស់លោកព្រះរាជអាជ្ញាអមសាលាដំបូងពោធិ៍សាត់ ចុះថ្ងៃទី១០.៥.២០១៧ វេលាម៉ោង៧ និង៣៨នាទីព្រឹក នៅអធិការដ្ឋាននគរបាលស្រុកក្រគរ ដើម្បីរៀបចំតាមនីតិវិធី រួចបញ្ជូនទៅស្នងការដ្ឋាននគរបាលខេត្ត៕