ព័ត៌មានជាតិ

រន្ធត់!ស៊ាំយ៉ុងដឹកទំនិញ បើកលឿនបែកកង់ទាំងសងខាងក្រឡាប់ធ្លាក់ផ្លូវ មនុស្ស២នាក់ស្លាប់និងរបួស

រតនគិរី: លោក វរសេនីយ៍ទោ មឿង សារិទ្ធ ប្រធានការិយាល័យចរាចរណ៍នៃស្នងការដ្ឋាននគរបាលខេត្តរតនគិរី បានប្រាប់Post Newsថា មានករណីគ្រោះថ្នាក់ចរាចរណ៍មួយ បានកើតឡើង ដោយរថយន្តម៉ាកស៊ាំយ៉ុងដឹកទំនិញមួយគ្រឿង បើកលឿនស្រាប់តែបែកកង់ទាំងសងខាង ក្រឡាប់ធ្លាក់ផ្លូវ បណ្តាលឲ្យបុរសម្នាក់ស្លាប់យ៉ាងអាណោចអាធ័ម និងម្នាក់ទៀតរបួសធ្ងន់ ត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យ ចំណែករបស់ របរវិញ ខ្ទាតរប៉ាត់រប៉ាយពេញផ្លូវ។

ហេតុការណ៍នេះបានកើតឡើងកាលពីវេលាម៉ោង៣និង៣០នាទី រសៀលថ្ងៃទី៩ ខែឧសភា ឆ្នាំ២០១៧ ស្ថិតនៅចំណុច ចម្ការដូងប្រេង ស្ថិតនៅតាមបណ្តោយផ្លូវជាតិលេខ៧៦ ក្នុងភូមិថ្មី ឃុំជយ័ឧត្តម ស្រុកលំផាត់ ខេត្តរតនគិរី។

សមត្ថកិច្ចបានឲ្យដឹងថា ជនរងគ្រោះដែលស្លាប់និងរបួសខាងលើនេះ មានឈ្មោះ ខន អ៊ី ភេទប្រុស អាយុ៣៨ឆ្នាំ មុខរបរលក់អីវ៉ាន់ចាប់ហួយ ស្នាក់នៅភូមិកញ្រៀ្ជច ឃុំកញ្រៀ្ជក ស្រុកកញ្រៀ្ជក ខេត្តព្រៃវែង (ស្លាប់នៅនឹងកន្លែង) និងម្នាក់ទៀតឈ្មោះ ព្រំ ទិ ភេទប្រុស អាយុ១៨ឆ្នាំ មុខរបរព្រូរថយន្ត ស្នាក់នៅភូមិពោតូច ឃុំកញ្រៀ្ជក ស្រុកកញ្រៀ្ជក ខេត្តព្រៃវែង រងរបួសបែកក្បាលផ្នែកខាងក្រោយ (ធ្ងន់)។

យោងតាមប្រភពព័ត៌មាន បានឲ្យដឹងថា មុនពេលកើតហេតុ គេបានឃើញរថយន្តម៉ាក សាំយ៉ុង ពណ៌ស ពាក់ស្លាកលេខ ភ្នំពេញ 2S-5350 ជាប្រភេទរថយន្តដឹកទំនិញនៅខាងក្រោយធ្វើដំណើរក្នុងល្បឿនលឿនល្មម លុះដល់ចំណុចកើតហេតុ ស្រាប់តែរថយន្តខាងលើ បានបែកកង់ទាំងសងខាង បណ្តាលឲ្យក្រឡាប់ជាច្រើនជុំធ្លាក់ជំរៀលផ្លូវ បណ្តាលឲ្យតៃកុងរថយន្តបែកក្បាលស្លាប់នៅនឹងកន្លែង និងព្រូរថយន្តម្នាក់ទៀត រងរបួសបែកក្បាលធ្ងន់ធ្ងរត្រូវបានបញ្ជូនតាមរថយន្តសង្គ្រោះបន្ទាន់របស់ស្នងការដ្ឋាន ដឹកយកទៅព្យាបាលនៅមន្ទីពេទ្យបង្អែកខេត្តរតនគិរី។

ក្រោយកើតហេតុ សមត្ថកិច្ចបានចុះមកធ្វើការវាស់វែង នាំយករថយន្តខាងលើ យកមករក្សារទុកនៅអធិការដ្ឋាននគបាលស្រុកលំផាត់ បណ្តោះអាសន្ន រង់ចាំប្រគល់ជូនសាច់ញាតិជនរងគ្រោះវិញ។ ចំណែកសាកសពជនរងគ្រោះត្រូវបានសមត្ថកិច្ចធ្វើកំណត់ហេតុ ប្រគល់ទៅឲ្យក្រុមគ្រួសារធ្វើបុណ្យតាមប្រពៃណី៕

មតិយោបល់