ភ្នំពេញៈ នាវេលាម៉ោង ១២និង៤០នាទីយប់រំលងអាធ្រាត្រឈានចូលថ្ងៃទី២៣ ខែមេសា ឆ្នាំ២០២២ មានករណីគ្រោះថ្នាក់ចរាចរណ៍រវាងរថយន្តបុករថយន្តពីក្រោយ បណ្ដាលឲ្យរងការខូចខាត ស្ថិតតាមបណ្ដោយម្ដុំស្តុបផ្សារដីហុយ តាមបណ្ដោយផ្លូវ១៩៨៦ ក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។

ដំណើររឿង៖ យោងតាមប្រភពព័ត៌មានបានឲ្យដឹងថា មុនពេលកើតហេតុគេឃើញបុរសម្នាក់ បើករថយន្តម៉ាក ព្រូស ពណ៌ក្រហម ពាក់ស្លាកលេខ ភ្នំពេញ 2BE-9364 ធ្វើដំណើរតាមបណ្ដោយផ្លូវខាងលើ ពីលិចទៅកើតក្នុងស្ថានភាពស្រវឹងស្រា ក៏បានជ្រុលចង្កូតទៅបុកពីក្រោយរថយន្តកូរ៉ូឡា ពាក់ស្លាកលេខ កំពង់ធំ 2A-0026 កំពុងចតស្ងៀម បណ្ដាលឲ្យរងការខូចខាតទាំងសងខាង។

ក្រោយពេលកើតហេតុភាគីទាំង២ សម្របសម្រួលគ្នាដោយម្ចាស់រថយន្តព្រូស យករថយន្តកូរ៉ូឡាទៅជួសជុល ដើម្បីបញ្ចប់រឿងនៅនិងកន្លែងកើតហេតុ៕