ព័ត៌មានជាតិ

រន្ធត់! ម៉ូតូជិះបុករថយន្តពេញទំហឹង ស្លាប់៣នាក់នៅនឹងកន្លែង

បាត់ដំបង: ភ្នាក់ងារ Post News ប្រចាំខេត្តបាត់ដំបង បានរាយការណ៍មកថា មានករណីគ្រោះថ្នាក់ចរាចរណ៍ដ៏រន្ធត់មួយ រវាងរថយន្ដម៉ាកពុយសូបុកជាមួយម៉ូតូ បណ្ដាលឲ្យស្លាប់៣នាក់។

ហេតុការណ៍នេះបានកើតឡើងកាលពីវេលាម៉ោង៩និង១០នាទី ព្រឹកថ្ងៃទី១៣ ខែឧសភា ឆ្នាំ២០១៧ នៅលើផ្លូវជាតិលេខ៥ ត្រង់ចំនុចក្រុមទី១៧ភូមិពពាលខែ ឃុំអូរតាគី ស្រុកថ្មគោល ខេត្តបាត់ដំបង។

ប្រភពដដែលបានបន្តថា មុនពេលកើតហេតុ គេឃើញមានម៉ូតូម៉ាកវ៉េវបើកបរពីរទិសខាងជើងឆ្ពោះទៅទិសខាងត្បូង លុះពេលមកដល់ចំណុចកើតហេតុ បានឡើងជែងរថយន្ដ១គ្រឿងមកពីទិសផ្ទុយគ្នាឲ្យជ្រុលចង្កូតទៅបុករថយន្ដរថយន្ដម៉ាកពុយសូ ពណ៌សំបកឪឡឹក ពាក់ស្លាកលេខ ភ្នំពេញ3B-1898 បណ្ដាលឲ្យស្លាប់នៅនឹងកន្លែងកើតហេតុភ្លាមៗ។ ចំណែកអ្នកបើកបររថយន្ដបានរត់គេចខ្លួនបាត់ស្រមោល។

អ្នកជិះម៉ូតូទី១ឈ្មោះ តាន់ ខេង ភេទប្រុស អាយុ៦៥ឆ្នាំ រស់នៅភូមិថ្នល់បត់ ឃុំភ្នំតូច ស្រុកមង្គលបូរី ខេត្តបន្ទាយមានជ័យ(ស្លាប់),ទី២ឈ្មោះ ថ្លាំង សឿន ភេទស្រី អាយុ៦៦ឆ្នាំ រស់នៅភូមិថ្នល់បត់ ឃុំភ្នំតូច ស្រុកមង្គលបូរី ខេត្តបន្ទាយមានជ័យ (ស្លាប់) និងទី៣ឈ្មោះ វិត លីសា ភេទស្រី អាយុ៦ឆ្នាំ រស់នៅភូមិថ្នល់បត់ ស្រុកមង្គលបូរី ខេត្តបន្ទាយមានជ័យ (ស្លាប់)។

ក្រោយពីកើតហេតុ សមត្ថកិច្ចបានចុះទៅដល់កន្លែងកើតហេតុ ធ្វើការវាស់វែង និងនាំយករថយន្តនឹងម៉ូតូមករក្សាទុក រង់ចាំការដោះស្រាយគ្នាពរលក្រោយ។ ចំណែកសាកសព ត្រូវបានសមត្ថកិច្ចប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕

មតិយោបល់