កោះកុង: លោក ជា សារិន អធិការស្រុកមណ្ឌលសីមា បានប្រាប់ Post News ថា មានករណី បុរសម្នាក់ ឆក់ខ្សែភ្លើងស្លាប់ បន្ទាប់ពីធ្វើទុយោទឹកប្រើដោយម៉ូទ័រ ធ្វើរួចហើយយកដៃទៅដកព្រីភ្លើង ក៏ឆ្លងឆក់ដៃស្លាប់តែម្តង។
ហេតុការណ៍នេះបានកើតឡើងកាលពីវេលាម៉ោង១០ ថ្ងៃទី១៤ ខែឧសភា ឆ្នាំ២០១៧ នៅចំណុចភូមិលំយាម ឃុំប៉ាក់ខ្លង ស្រុកមណ្ឌលសីមា ខេត្តកោះកុង។
លោក ជា សារិន អធិការស្រុកមណ្ឌលសីមា បន្តថា ជនរងគ្រោះមានឈ្មោះ ស៊ុន សុភារិទ្ធ ភេទប្រុស អាយុ២០ឆ្នាំ មុខរបរ កម្មករសំណង់ ស្នាក់នៅភូមិឃុំកើតហេតុខាងលើ។
ក្រោយពីកើតហេតុ សមត្ថកិច្ចបានចុះទៅដល់កន្លែងកើតហេតុ ធ្វើកំណត់ហេតុ និងប្រគល់សាកសពជូនក្រុមគ្រួសារយកទៅធ្វើបុណ្យតាមប្រពៃណី៕
មតិយោបល់