ទីក្រុងញូវដេលី ( 30/10/13 )៖យោងតាមសេចក្តីរាយការណ៍មួយរបស់ប៉ូលីសនៃរដ្ឋ Andhra Pradesh បាននិយាយថាអ្នកដំណើរសរុប 45 នាក់ត្រូវបានភ្លើងឆាបឆេះខ្លោចសាកសពនៅពេលដែលរថយន្តក្រុងមួយដែលពួកគេធ្វើដំណើរជាមួយនោះបានឆាបឆេះឡើង។
គ្រោះថ្នាក់អកុសលនេះបានកើតឡើងនៅចម្ងាយប្រមាណ 140 គីឡូម៉ែត្រពីរដ្ឋធានី Hyderabad នៅវេលាម៉ោងប្រមាណ5ព្រឹកនៅពេលដែលឡានក្រុងដែលផ្ទុកអ្នកដំណើរដល់ទៅ 50 នាក់បានព្យាយាមវ៉ារថយន្តមួយទៀតហើយក៏ជ្រុលទៅបុកលូដែលនៅជាប់ផ្លូវម្ខាងទៀតហើយត្រូវបានគេជឿជាក់ថាធុងសាំងភ្លាមៗបានឆេះឡើងនិងពិបាកនិងពន្លត់ផង។
អ្នកបើកបរនិងអ្នករួមដំណើរ 4 នាក់ទៀតត្រូវបានគេចខ្លួនទាន់នៅពេលដែលអ្នកដំណើរផ្សេងទៀតដែលកំពុងតែលង់លក់មិនបានត្រៀមខ្លួនទាន់នោះទេហើយអគ្គិសភ័យបានចាប់ផ្តើមឆេះពេញបន្ទុកតែក្នុងរយៈពេលប៉ុន្មានវិនាទីប៉ុណ្ណោះ។អ្នកបើកបរត្រូវបានចាប់ខ្លួនក្រោយការកើតហេតុនិងស៊ើបសួរពីហេតុការណ៍និងអាចចោទប្រកាន់ពីការធ្វេសប្រហែសផងដែរ៕
មតិយោបល់