កណ្តាលៈ ករណីហិង្សារមួយកើតឡើង បន្ទាប់ពីជនរងគ្រោះនិងជនសង្ស័យផឹកចំស្រាខ្លាំង ស្រវឹងរៀងខ្លួន ទាស់ពាក្យសម្តីគ្នា បង្កជាហិង្សា ម្នាក់របួសម្នាក់ចូលគុក។
ហេតុការណ៍នេះកើតឡើងថ្ងៃ១៦ ខែឧសភា ឆ្នាំ២០១៧ វេលាម៉ោង៧និង២០នាទី
ចំណុចភូមិស្តៅកន្លែង៣ ឃុំដីឥដ្ឋ ស្រុកកៀនស្វាយ ខេត្តកណ្តាល។
ជនរងគ្រោះមានឈ្មោះ ចាន់ ភារិន ហៅក្តុំ ភេទប្រុស អាយុ២១ឆ្នាំ ស្នាក់នៅភូមិស្តៅកន្លែង៣ ឃុំដីឥដ្ឋ ស្រុកកៀនស្វាយ ខេត្តកណ្តាល មុខរបរកសិករ និងជនសង្ស័យមានឈ្មោះ ចេង ច័ន្ទណារ៉ា ហៅរ៉ា ភេទប្រុស អាយុ២១ឆ្នាំ ជនជាតិខ្មែរ
មានទីលំនៅភូមិស្តៅកន្លែង៣ ឃុំដីឥដ្ឋ ស្រុកកៀនស្វាយ ខេត្តកណ្តាល មុខរបរនេសាទត្រី (ឃាត់ខ្លួន)។
ក្នុងនោះសមត្ថកិច្ចដកហូតបានវត្ថុតាងរួមមាន៖ ដងឆក់ត្រីចំនួន១គូ ,ផ្លែដែកដងឬស្សី (មួយដើមមានប្រវែង១,៨១ម៉ែត្រ និងមួយដើមទៀតមានប្រវែង១,៨៥ម៉ែត្រ )របស់ជនល្មើស និងរណាអាទឹកកកចំនួន១ដើមផ្លែដែកដងឈើ មានប្រវែង០,៦២ម៉ែត្រ ( របស់ជនរងគ្រោះ) ។
មុនពេលកើតហេតុ ជនរងគ្រោះនឹងជនសង្ស័យ កំពុងអង្គុយផឹកស្រាបៀរ(ម៉ាកខ្លាំង) ជាមួយគ្នានៅលើគ្រែក្រោមផ្ទះរបស់ឈ្មោះ ងួន ភេទប្រុស អាយុ៣៤ឆ្នាំ ស្នាក់នៅភូមិស្តៅកន្លែង៣ ឃុំដីឥដ្ឋ ស្រុកកៀនស្វាយ ខេត្តកណ្តាល ខណៈពេល
កំពុងអង្គុយផឹកស្រាបៀរនោះ ជនរងគ្រោះនឹងជនសង្ស័យបានឈ្លោះប្រកែកគ្នាដោយពាក្យសម្តីបន្តិចបន្តួច រួចជនរងគ្រោះក៏បានដើរទៅផ្ទះបាត់ទៅ លុះបានបន្តិចក្រោយមកជនរងគ្រោះក៏បានដើរត្រឡប់ពីផ្ទះមកកន្លែងផឹកស្រាវិញដោយមានកាន់រណាអារទឹកកកមួយដើមជាប់ក្នុងដៃបម្រុងកាប់លើជនសង្ស័យ ខណៈនោះជនសង្ស័យបានទាញយកដងឆក់ត្រីគប់ទៅលើជនរងគ្រោះត្រូវចំដើមទ្រូងចំហៀងខាងឆ្វេងរងរបួសហើយត្រូវបានក្រុមគ្រួសារដឹកយកទៅព្យាបាលនៅមន្ទីពេទ្យជោរៃ(ភ្នំពេញ)។
ក្រោយពីទទួលបានព័ត៌មានភ្លាម កម្លាំងប៉ុស្តិ៍នគរបាលរដ្ឋបាលដីឥដ្ឋ ចុះដល់ចំណុចកើតហេតុ នាំខ្លួនជនល្មើសមកប៉ុស្តិ៍ដើម្បីសាកសួរនិងបញ្ជូនបន្តមកអធិការដ្ឋាននគរបាលស្រុកបន្តចាត់ការតាមនីតិវិធី៕
មតិយោបល់