Post News Media ព័ត៌មានជាតិ បញ្ជូនខ្លួនឧក...

បញ្ជូនខ្លួនឧកញ៉ា ទៅតុលាការ ពាក់ព័ន្ធករណីជួញដូរគ្រឿងញៀន ជិត៦០គីឡូ

ភ្នំពេញ: នៅព្រឹកថ្ងៃទី២៣ ខែឧសភា ឆ្នាំ២០១៧នេះ កម្លាំងសមត្ថកិច្ច មន្ទីរប្រឆាំងបទល្មើសគ្រឿងញៀននៃក្រសួងមហាផ្ទៃ បានបញ្ជូនខ្លួនឧកញ៉ា ស៊ី ឡាឡយ ទៅកាន់តុលាការ ពាក់ព័ន្ធករណីជួញដូរគ្រឿងញៀន ជាង ៥០គីឡូក្រាម។

គួររំលឹកថា ជនសង្ស័យ ឈ្មោះ ស៊ី ឡាឡយ ជនជាតិខ្មែរ អាយុ៤៣ឆ្នាំ ត្រូវបានកម្លាំងសមត្ថកិច្ច មន្ទីរប្រឆាំងបទល្មើសគ្រឿងញៀននៃក្រសួងមហាផ្ទៃ ឃាត់ខ្លួនកាលពីរសៀលថ្ងៃទី១៨ ខែឧសភា ឆ្នាំ ២០១៧ នៅចំណុច ភូមិអូរកន្តិល សង្កាត់បឹងកន្សែង ក្រុងបានលុង ខេត្តរតនគិរី។ ក្រោយពីសមត្ថកិច្ចបានឆែកឆេរលំនៅដ្ឋានរបស់ជនសង្ស័យ មួយកន្លែង នៅមុខវត្តសំរោងអណ្តែត រកឃើញគ្រឿងញៀនជាង ៥០គីឡូ រួមមានថ្នាំ បេតំហ្វេតាមិន ហេរ៉ូអិន និងប្រភេទថ្នាំគ្រាប់ជាច្រើនម៉ឺនគ្រាប់៕