ភ្នំពេញ: នៅព្រឹកថ្ងៃទី១៥ ខែវិច្ឆិកា ឆ្នាំ២០១៧ នេះ សមត្ថកិច្ចខណ្ឌចម្ការមន បានបញ្ជូនខ្លួនជនសង្ស័យ ដែលរំលោភសេពសន្ថវ:ម្នាក់ ទៅសាលាដំបូងរាជធានីភ្នំពេញ ដើម្បីចាត់ការបន្ដតាមនីតិវិធី ។
សមត្ថកិច្ចបានប្រាប់ឱ្យដឹងថា ជនសង្ស័យមានឈ្មោះ ឯក តេង ភេទប្រុស អាយុ ៤៤ឆ្នាំ មុខរបរ ជាងជួសជុលរថយន្តនៅយានដ្ឋាន Car Fresh (ផ្សារ អ៊ី អន) មានទីលំនៅផ្ទះ គ្មានលេខផ្លូវលំភូមិបឹងឈូក សង្កាត់និរោធ ខណ្ឌច្បារអំពៅ។
គួររឭកថា សមត្ថកិច្ចបាន ឃាត់ជនសង្ស័យនៅយប់ថ្ងៃទី១១ ខែវិច្ឆិកា ឆ្នាំ២០១៧កន្លងទៅ នៅចំណុចបន្ទប់ជួលគ្មានលេខក្នុង សង្កាត់ទន្លេបាសាក់ ខណ្ឌចម្ការមន ក្រោយពីរូបគេបានចាប់រំលោភសេពសន្ថវ: លើនារីរងគ្រោះម្នាក់បានសម្រេច៕
មតិយោបល់