ក្រុមជម្រើសជាតិយុវជនវៀតណាមអាយុក្រោម ២០ ឆ្នាំ ធ្វើបានយ៉ាងល្អ ដោយអាចទប់ស្មើក្រុមជម្រើសជាតិអាយុក្រោម ២០ របស់ ញូហ្សេលែន ០ទល់០។

ការប្រកួតបើកឆាក ក្នុងព្រឹត្តិការណ៍ World Cup U-20 ក្រុមយុវជនវៀតណាមថ្វីបើមិនអាចឈ្នះ​ តែបានទប់ក្រុមញូហ្សេលែន មិនឲ្យទាត់បាល់ចញ្ចូលទីបានដូចគ្នា។ ជាការពិតណាស់ បើទោះបីជាញូហ្សេលែន មិនមែនជាក្រុមខ្លាំងក៍ពិតមែន តែបើប្រៀបធៀប ជាមួយនឹងក្រុមយុវជនរបស់វៀតណាម កម្រិតនៃការលេងរវាងក្រុមទាំង ២ គឺខុសគ្នាឆ្ងាយណាស់។ សម្រាប់ពូល E នេះ ក្រុមបារាំង បានដណ្តើមយក ៣ ពិន្ទុដំបូងគេក្រោយពីឈ្នះ ហុងដូរ៉ាស់ ៣-០។

វៀតណាម ត្រូវជួបបន្តជាមួយនឹងក្រុមយុវជនអាយុក្រោម ២០ ឆ្នាំរបស់បារាំងនៅថ្ងៃទី ២៥ ខាងមុខនេះ​ ស្របពេលដែលការប្រកួតបញ្ចប់ពូលរបស់ពួកគេ​ ត្រូវជួបហុងដូរ៉ាស់នៅប្រកួតចុងក្រោយ។