ភ្នំពេញៈ រថយន្តម៉ាកឡិចស៊ីសRX.330មួយគ្រឿង ខណៈដែលកំពុងបើកបរសុខៗបានវាក់ជាមួយសត្វគោកំពុងដើរតាមផ្លូវក៏បានជាន់ហ្វ្រាំងឈប់ទាំងប្រថុចញ៉ុច ពេលនោះត្រូវរថយន្តម៉ាកហ៊ីយ៉ាន់ដាយដែលបើកតាមក្រោយទៅដល់វាក់រថយន្តឡិចស៊ីសនោះហើយជាន់ហ្រ្វាំងឈប់មិនទាន់ក៏បានបុកពីក្រោយ។ បណ្ដាលឲ្យរងការខូចខាតផ្នែកខាងក្រោយ ចំណែករថយន្តហ៊ីយ៉ាន់ដាយ ដែលបុកគេពីក្រោយក៏បានរងការខូចខាតផ្នែកខាងមុខដែរ។

ឧប្បត្តិហេតុគ្រោះថ្នាក់ចរាចរខាងលើនោះ បានកើតឡើងកាលពីវេលាម៉ោង៣និង៣០នាទីរសៀល ថ្ងៃទី២៤ ខែឧសភា ឆ្នាំ២០១៧ នៅលើកំណាត់ផ្លូវជាតិលេខ៤ ស្ថិតនៅក្នុងភូមិព្រៃស្វាយ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។

តាមប្រភព័ត៌មានបានឲ្យបានឲ្យដឹងថា មុនពេលកើតហេតុ គេបានឃើញរថយន្តទាំង២គ្រឿងនោះបើកបរស្របគ្នាក្នុងទិដៅពីលិចទៅកើត ដោយរថយន្តឡិចស៊ីសRX.330 ពណស្ករពាក់ស្លាកលេខភ្នំពេញ2AO.5849បានបើកខាងមុខ ចំណែករថយន្តហ៊ីយ៉ាន់ដាយ ពណ៌ស ពាក់ស្លាកលេខ ភ្នំពេញ2E.6316 បើកខាងក្រោយ ។ លុះពេលទៅដល់ត្រង់ចំណុចកើតហេតុខាងលើ រថយន្តឡិចស៊ីសបានវាក់ជាមួយសត្វគោកំពុងដើរលើផ្លូវ ក៏បានជាន់ហ្វ្រាំងឈប់យ៉ាងប្រថុចញ៉ុច ខណៈនោះរថយន្តហ៊ីយ៉ាន់ដាយបានទៅដល់ល្មមនិងបានវាក់រថយន្តឡិចស៊ីសនោះ រួចក៏បានបុកពីក្រោយតែម្ដង។

ប្រភពដដែលបានបន្តថា ពេលនោះបានបណ្ដាលឲ្យរថយន្តឡិចស៊ីសរងការខូចខាតផ្នែកខាងក្រោយ ចំណែករថយន្តហ៊ីយ៉ាន់ដាយរងការខូចខាតផ្នែកខាងមុខដែរ។

ក្រោយពេលកើតហេតុភាគីរថយន្តឡិចស៊ីសបានទាមទារសំណងជាប្រាក់ចំនួន១៤០ដុល្លារ ប៉ុន្តែខាងភាគីរថយន្តហ៊ីយ៉ាន់ដាយគ្មានលទ្ធភាព ហើយទីបំផុតត្រូវរ៉ូវគ្នាត្រឹម៥០ដុល្លារ។ ប៉ុន្តែក្រោយពេលបានលុយដល់ដៃម្ចាស់រថយន្តឡិចស៊ីសអត់យកខ្លួនឯងទេ គឺបានប្រគល់ទៅឲ្យនគរបាលទាំងអស់ បន្ទាប់មកភាគីទាំងពីរបានចាកចេញពីកន្លែងកើតហេតុរៀងៗខ្លួនបាត់ទៅ៕

https://youtu.be/CSlp5KN6ltY