បាត់ដំបង: ក្មេងទំនើងចំនួន៣នាក់ ជិះម៉ូតូកាន់ដាវស៊ាំម៉ូរ៉ៃ តាមផ្លូវយ៉ាងអណាធិបតេយ្យ ត្រូវបានកម្លាំងសមត្ថកិច្ចធ្វើការឃាត់ខ្លួន កាលពីវេលាម៉ោង៩និង២០នាទីយប់ ថ្ងៃ២៥ ខែឧសភា ឆ្នាំ២០១៧ ស្ថិតនៅចំណុចភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ខេត្តបាត់ដំបង។

សមត្ថកិច្ចបានឲ្យដឹងថា ក្មេងទំនើងទាំង៣នាក់ខាងលើ ទី១មានឈ្មោះ វណ្ណា នេត ហៅ រ៉ន អាយុ២២ឆ្នាំ ស្នាក់នៅភូមិនរា១ ឃុំនរា ស្រុកសង្កែ ខេត្តបាត់ដំបង , ទី២ឈ្មោះ ប៊ល ស៊ុលគីភ្លី ភេទប្រុស អាយុ១៦ឆ្នាំ ស្នាក់នៅភូមិនរា១ ឃុំនរា ស្រុកសង្កែ ខេត្តបាត់ដំបង និងទី៣ឈ្មោះ អ៊ុន សាហ្វី ភេទប្រុស អាយុ២៥ឆ្នាំស្នាក់នៅភូមិនរា១ ឃុំនរា ស្រុកសង្កែ ខេត្តបាត់ដំបង។ដកហូតបានដាវស៊ាំម៉ូរ៉ៃ១ដើម និងម៉ូតូម៉ាកស៊ុយសាគីនិច១គ្រឿង។

នៅចំពោះមុខសមត្ថកិច្ចក្មេងទំនើងខាងលើ បានឆ្លើយសារភាពថា មូលហេតុដែលខ្លួនបានយកដាវមកតាមខ្លួននេះ គ្រាន់តែទុកការពារខ្លួននោះទេ ដោយសារ កន្លងមកនៅពេលដើរលេងក្នុងក្រុងបាត់ដំបងពេលយប់ ច្រើនតែមានអ្នកតាមរករឿង។

បច្ចុប្បន្នពួកគេទាំង៣នាក់ខាងលើ ត្រូវបានសមត្ថកិច្ចបញ្ជូនខ្លួនទៅកាន់ស្នងការដ្ឋាននគរបាលខេត្តដើម្បីកសាងសំណុំរឿងបន្តចាត់ការតាមផ្លូវច្បាប់៕